Jammu and Kashmir: రూ.250 కోట్ల మనీలాండరింగ్ కేసు.. జమ్మూ కాశ్మీర్‌లో 6 చోట్ల ఈడీ సోదాలు

Jammu and Kashmir: రూ.250 కోట్ల మనీలాండరింగ్ కేసుకు సంబంధించి జమ్మూ కాశ్మీర్‌లో ఎన్‌ఫోర్స్‌మెంట్ డైరెక్టరేట్ (ఈడీ) గురువారం ఆరు చోట్ల సోదాలు నిర్వహించింది. అధికారులు తెలిపిన వివరాల ప్రకారం, జమ్మూ కాశ్మీర్ స్టేట్ కోఆపరేటివ్ బ్యాంక్ లిమిటెడ్ మాజీ ఛైర్మన్‌కు చెందిన ప్రాంగణంలో సోదాలు జరిగాయి. ఈ కేసు జమ్మూకశ్మీర్ బ్యాంకుకు సంబంధించినదని అధికారులు గతంలో పేర్కొన్నారు.

జీలం కోఆపరేటివ్ హౌసింగ్ బిల్డింగ్ సొసైటీ అనే భోగస్ సంస్ద ముసుగులో ఈ మోసం జరిగినట్లు అధికారులు తెలిపారు. శ్రీనగర్‌లోని ఈడీ కార్యాలయం మనీలాండరింగ్ నిరోధక చట్టం (PMLA) అధికారాన్ని ఉపయోగించి కార్యకలాపాలు నిర్వహించిందని వారు పేర్కొన్నారు.కమీషన్ కోసం భోగస్ హౌసింగ్ సొసైటీ చైర్మన్ హిలాల్ ఎ మీర్, అప్పటి జె-కె స్టేట్ కో-ఆపరేటివ్ బ్యాంక్ లిమిటెడ్ చైర్మన్ మొహమ్మద్ షఫీ దార్ మరియు ఇతరులపై అవినీతి నిరోధక బ్యూరో (ఎసిబి) ఇప్పటికే ఛార్జ్ షీట్ దాఖలు చేసింది.

నిబంధనలకు విరుద్దంగా..( Jammu and Kashmir)

మీర్ సహకార సంఘాల కార్యదర్శి కోఆపరేటివ్స్, అడ్మినిస్ట్రేషన్ డిపార్ట్‌మెంట్ ఆఫ్ కో-ఆపరేటివ్ సొసైటీస్‌కు దరఖాస్తు చేసుకున్నాడు.అతను జె-కె కో-ఆపరేటివ్ బ్యాంక్ లిమిటెడ్‌కు 300 కోట్ల రూపాయల ఆర్థిక సహాయం మంజూరు చేయాలని కోరాడు. జమ్మూ మరియు కాశ్మీర్ సహకార సంఘాల రిజిస్ట్రార్‌కు అప్లికేషన్ ఆమోదించబడింది. శ్రీనగర్‌లోని జె-కె కో-ఆపరేటివ్ బ్యాంక్ ఎటువంటి ఫార్మాలిటీలకు కట్టుబడి లేకుండా రూ. 223 కోట్ల మేరకు రుణాన్ని మంజూరు చేసింది జీలం కోఆపరేటివ్ హౌస్ బిల్డింగ్ సొసైటీ జమ్మూ కాశ్మీర్‌లోని రిజిస్ట్రార్ కో-ఆపరేటివ్ సొసైటీలలో కూడా రిజిస్టర్ చేసుకోలేదని,సొసైటీ పేరుతో నకిలీ మరియు కల్పిత రిజిస్ట్రేషన్ సర్టిఫికేట్ తయారు చేసినట్లు విచారణలో తేలింది. రుణం మొత్తాన్ని భూ యజమానుల ఖాతాల్లోకి జమ చేసినా భూమిని బ్యాంకులో తనఖా పెట్టలేదు. అవినీతి నిరోధక శాఖ దర్యాప్తులో రూ. 223 కోట్ల మేర స్వాహా చేసిన నిధులను వెలికితీయడంలో విజయవంతమైంది. 187 కోట్ల రూపాయల మొత్తాన్ని స్తంభింపజేసింది.