IT Raids: టీఎంసీ ఎమ్మెల్యే జాకీర్ హొస్సేన్ ఇంటిపై ఐటీ దాడులు.. రూ.11 కోట్ల నగదు స్వాధీనం

anantharao b

2 years ago

IT Raids: ఆదాయపు పన్ను శాఖ పశ్చిమబెంగాల్లో బుధవారం రాత్రి నిర్వహించిన దాడుల సందర్బంగా తృణమూల్ కాంగ్రెస్ ఎమ్మెల్యే జాకీర్ హుస్సేన్ నివాసంలో రూ.11 కోట్ల నగదును స్వాధీనం చేసుకుంది.హుస్సేన్ నివాసం, బీడీ ఫ్యాక్టరీ మరియు ఆయిల్ మిల్లుపై అధికారులు దాడులు చేశారు. హుస్సేన్ ముర్షిదాబాద్‌లోని జంగీపూర్ ఎమ్మెల్యే మరియు పశ్చిమ బెంగాల్ ముఖ్యమంత్రి మమతా బెనర్జీ క్యాబినెట్‌లో మాజీ జూనియర్ కార్మిక మంత్రి.

జంగీపూర్ ఎమ్మెల్యే ఇంటిపై ఐటీ దాడులు(IT Raids)

ముర్షిదాబాద్‌లోని మరో రెండు బీడీల తయారీ యూనిట్లలో ఇతర వ్యక్తులకు చెందిన రూ.5.5 కోట్ల నగదును ఐటీ అధికారులు (IT Raids) స్వాధీనం చేసుకున్నారు. పశ్చిమ బెంగాల్‌లోని పలు చోట్ల దాడులు నిర్వహించి భారీ మొత్తంలో నగదు స్వాధీనం చేసుకున్నట్లు ఐటీ శాఖ అధికారి ఒకరు తెలిపారు. అయితే అదికారులు స్వాధీనం చేసుకున్న నగదు చెల్లింపులు చేయడానికి అవసరమైన తన సాధారణ చెల్లుబాటు అయ్యే కార్యకలాపాలలో భాగమని హుస్సేన్ చెప్పారు.

నా వ్యాపార సంస్థల్లో దాదాపు 7,000 మంది కూలీలు పనిచేస్తున్నారు. వారి వేతనాలను నగదు రూపంలో చెల్లిస్తున్నారు. స్వాధీనం చేసుకున్న డబ్బు కూలీలు, రైతులకు చెల్లించేందుకు ఉద్దేశించినది. ఐటీ అధికారులకు పత్రాలు చూపించినా పట్టించుకోలేదు. భద్రతా కారణాల దృష్ట్యా , కొన్నిసార్లు మనం నగదును ఇంట్లో ఉంచుకోవాలి. నేను క్రమం తప్పకుండా పన్ను చెల్లిస్తాను. చట్టం దాని స్వంత మార్గంలో వెడుతుందని హుస్సేన్ అన్నారు.

మరోవైపు ఐటీ దాడిని బీజేపీ పన్నిన ముందస్తు కుట్రలో భాగంగా తృణమూల్ కాంగ్రెస్ అభివర్ణించింది. హుస్సేన్ బాగా స్థిరపడిన వ్యాపారవేత్త. మా పార్టీని, ఎమ్మెల్యేను కించపరిచేందుకే ఈ దాడి ముందస్తు ప్రణాళికతో, రాజకీయ ప్రేరేపితంతో జరిగిందని టీఎంసీ అధికార ప్రతినిధి కునాల్ ఘోష్ అన్నారు.