Indian Railways: రైల్వే నెట్‌వర్క్‌ను పెంపొందించడానికి భారతదేశం బహుమతిగా ఇచ్చిన 20 బ్రాడ్ గేజ్ రైల్వే లోకోమోటివ్‌లు మంగళవారం సాయంత్రం బెంగాల్ సరిహద్దు గుండా బంగ్లాదేశ్ లోకి ప్రవేశించాయి.నదియాలోని గెడే స్టేషన్ సమీపంలో పార్క్ చేయబడిన, లోకోలు సాయంత్రం ఢిల్లీ నుండి బయలు దేరాయి.
లోకోమోటివ్‌ల విలువ రూ.100 కోట్లు.. (Indian Railways)
గరిష్ఠంగా 120కిలోమీటర్ల వేగంతో ప్రయాణించే ఈ లోకోమోటివ్‌ల మొత్తం విలువ రూ. 100 కోట్లకు పైగా ఉంటుందని రైల్వే అధికారులు తెలిపారు.2019 అక్టోబర్‌లో బంగ్లాదేశ్ ప్రధాని షేక్ హసీనా భారత పర్యటన సందర్భంగా నరేంద్ర మోదీ ప్రభుత్వం చేసిన వాగ్దానాన్ని నెరవేర్చినట్లు అధికారులు తెలిపారు.జూన్ 2020లో, భారతదేశం తన పొరుగు దేశానికి 10 లోకోమోటివ్‌లను అందించింది.బంగ్లాదేశ్ రైల్వే యొక్క అవసరాలను తీర్చడానికి భారతదేశం లోకోమోటివ్‌లను తగిన విధంగా సవరించింది. బంగ్లాదేశ్‌లో పెరుగుతున్న ప్రయాణీకుల మరియు సరుకు రవాణా రైలు కార్యకలాపాలను నిర్వహించడానికి ఈ లోకోమోటివ్ లు దోహదం చేస్తాయి.
ఈ సందర్బంగా రైల్వే మంత్రి అశ్విని వైష్ణవ్ మాట్లాడుతూబంగ్లాదేశ్‌తో భారతదేశం యొక్క సంబంధం నాగరికత, సాంస్కృతిక, సామాజిక మరియు ఆర్థికపరమైనది. ద్వైపాక్షిక సంబంధాలను మెరుగుపరిచేందుకు ఇరు దేశాల ప్రధానులు చురుకైన పాత్ర పోషిస్తున్నారు. సరిహద్దుల్లో రైలు కనెక్టివిటీని మెరుగుపరచడంలో మరియు బలోపేతం చేయడంలో మరియు ఇరు దేశాల మధ్య వాణిజ్యాన్ని మెరుగుపరచడంలో భారతీయ రైల్వే కూడా కీలక పాత్ర పోషిస్తోందని అన్నారు.ప్రస్తుతం భారతదేశం మరియు బంగ్లాదేశ్ మధ్య నడుస్తున్న మూడు ప్యాసింజర్ రైళ్ల ప్రతిస్పందన చాలా ప్రోత్సాహకరంగా ఉందని తెలిపారు.
భారత్-బంగ్లాదేశ్ ల మధ్య మూడు రైళ్లు..
భారతదేశం మరియు బంగ్లాదేశ్ మధ్య మూడు ప్యాసింజర్ రైళ్లు కోల్‌కతా (చిత్‌పూర్)-ఢాకా మైత్రీ ఎక్స్‌ప్రెస్, కోల్‌కతా-ఖుల్నా బంధన్ ఎక్స్‌ప్రెస్ మరియు న్యూ జల్పైగురి-ఢాకా మిటాలి ఎక్స్‌ప్రెస్ నడుస్తున్నాయి. రెండు దేశాల మధ్య వాణిజ్యం నెలకు దాదాపు 100 కార్గో రైళ్ల ద్వారా జరగుతోంది. గత ఆర్థిక సంవత్సరంలో దాదాపు 2.66 మిలియన్ టన్నుల కార్గో బంగ్లాదేశ్‌కు పంపబడిందని రైల్వే అధికారి ఒకరు తెలిపారు.