Chennai Rains: మిచౌంగ్ తుపాను ప్రభావంతో తమిళనాడు, పుదుచ్చేరిలో కుండపోత వర్షాలు కురుస్తున్నాయి. చెన్నై, చెంగల్‌పట్టు, కాంచీపురం, నాగపట్నం, తిరువళ్లూరు జిల్లాల్లో భారీ వర్షపాతం నమోదయింది.చెన్నైలోని చాలా ప్రాంతాలు నీటిలో మునిగిపోయాయి.
ఎయిర్ పోర్టు మూసివేత.. రైళ్లు రద్దు..( Chennai Rains)
చెన్నై లో ఈ ఉదయం 5:30 గంటల వరకు 24 గంటల్లో మీనంబాక్కంలో 196 మిమీ మరియు నుంగంబాక్కంలో 154.3 మిమీ నమోదైంది.ఫలితంగా, చెన్నై మరియు మూడు చుట్టుపక్కల జిల్లాల్లోని పాఠశాలలు, కళాశాలలు మరియు ప్రభుత్వ కార్యాలయాలు ఈరోజు మూసివేయాలని ప్రభుత్వం ఆదేశాలు జారీ చేసింది. ప్రైవేట్ కంపెనీలు తమ ఉద్యోగులను ఇంటి నుండి పని చేయడానికి అనుమతించాలని రాష్ట్ర ప్రభుత్వం కోరింది.డాక్టర్ ఎంజీఆర్ చెన్నై సెంట్రల్ రైల్వే స్టేషన్ నుండి బయలుదేరే ఆరు రైళ్లు రద్దు చేయబడ్డాయి. రిజర్వేషన్ చేసుకున్న ప్రయాణీకులకు పూర్తి రిఫండ్ అందుతుందని దక్షిణ రైల్వే ప్రకటించింది. చెన్నై విమానాశ్రయం నుంచి బయలుదేరే 12 దేశీయ, 4 అంతర్జాతీయ విమానాలు రద్దు చేయబడ్డాయి. ప్రతికూల వాతావరణ పరిస్దితుల కారణంగా మూడు
అంతర్జాతీయ విమానాలను బెంగళూరుకు మళ్లించారు. రన్ వే పైకి భారీగా వరదనీరు చేరడంతో రన్‌వే ఈరోజు రాత్రి 11 గంటల వరకు మూసివేయబడుతుందని అధికారులు తెలిపారు. నీరు నిలిచిపోవడంతో నగరంలో 14 సబ్‌వేలు మూసివేయబడ్డాయి.చెన్నై వెలుపలి చెంబరంబాక్కం రిజర్వాయర్ నుండి లోతట్టు ప్రాంతాలలో వరదల ప్రమాదాన్ని తగ్గించడానికి నీటి విడుదలను 1500 క్యూసెక్కులకు తగ్గించారు. ప్రజల భద్రత కోసం ముందు జాగ్రత్త చర్యగా బేసిన్ బ్రిడ్జి-వ్యాసర్పాడి మధ్య బ్రిడ్జి నెం.14 తాత్కాలికంగా మూసివేయబడింది.
5,000 సహాయ కేంద్రాలు..
చెన్నై నగరం మరియు దాని పొరుగు జిల్లాల్లో రాత్రిపూట కురిసిన భారీ వర్షాల కారణంగా నష్టపోయిన వారికి సహాయం చేయడానికి కోస్తా జిల్లాల్లో దాదాపు 5,000 సహాయ కేంద్రాలను అధికారులు ఏర్పాటు చేశారు. ముఖ్యమంత్రి ఎంకే స్టాలిన్ నిన్న భద్రతా చర్యలను సమీక్షించారు.మైచాంగ్ తుపానును ఎదుర్కొనేందుకు రాష్ట్ర యంత్రాంగం సిద్ధంగా ఉంది. మంత్రులు, అధికారులు రంగంలోకి దిగారు. అందించిన భద్రతా ప్రోటోకాల్‌లను ప్రజలు తప్పనిసరిగా పాటించాలి. తుఫాను ప్రభావం తగ్గే వరకు ప్రజలు నిత్యావసరాలకు తప్ప బయటకు రావద్దని కూడా నేను అభ్యర్థిస్తున్నాను అని ముఖ్యమంత్రి స్టాలిన్ సోషల్ మీడియా ప్లాట్ ఫారమ్ ఎక్స్‌లో పోస్ట్ చేశారు.
They have time to speak about breaking sanathana and temples and failed to take care of this #chennairains pic.twitter.com/MPMqzuvoow
— unni (@unnisv) December 4, 2023