Byjus:ఫెమా ఉల్లంఘనలపై బైజూ కి షోకాజ్ నోటీసు జారీ చేసిన ఎన్‌ఫోర్స్‌మెంట్ డైరెక్టరేట్

Byjus: 9,000 కోట్ల మేరకు ఫారిన్ ఎక్స్ఛేంజ్ మేనేజ్‌మెంట్ యాక్ట్ (ఫెమా)ను ఉల్లంఘించిందని ఆరోపిస్తూ ఎన్‌ఫోర్స్‌మెంట్ డైరెక్టరేట్ (ఈడీ) బైజూకి షోకాజ్ నోటీసు పంపింది. బైజూస్ మరియు థింక్ అండ్ లెర్న్ ప్రైవేట్ లిమిటెడ్ వ్యవస్థాపకుడు బైజు రవీందరన్‌కు నోటీసు పంపబడింది.

ఈడీ సోదాలు..(Byjus)

ఈ ఏడాది ఏప్రిల్‌లో రవీందరన్ మరియు అతని కంపెనీపై నమోదైన కేసుకు సంబంధించి బెంగళూరులోని మూడు ప్రాంగణాల్లో ఈడీ సోదాలు మరియు జప్తులను నిర్వహించింది. ఈడీ అధికారులు తెలిపిన వివరాల ప్రకారం, సోదాలు మరియు స్వాధీనం ప్రక్రియలో పలు రకాల పత్రాలు మరియు డిజిటల్ డేటాను స్వాధీనం చేసుకున్నారు.2011 మరియు 2023 మధ్య కాలంలో కంపెనీ దాదాపు రూ. 28,000 కోట్ల విదేశీ ప్రత్యక్ష పెట్టుబడులను పొందిందని, అదే కాలంలో విదేశీ ప్రత్యక్ష పెట్టుబడుల ముసుగులో దాదాపు రూ. 9,754 కోట్లను పలు దేశాలకు పంపిందని అధికారులు పేర్కొన్నారు.ఈడీ అధికారులు తెలిపిన వివరాల ప్రకారం, కంపెనీ ఆ సమయంలో మార్కెటింగ్ మరియు ప్రకటనల ఖర్చుల రూపంలో దాదాపు రూ. 944 కోట్లను వ్యయం చేసింది.

అయితే ఈడీ చర్య సాధారణ విచారణలో భాగమేనని తమ సంస్ద వారు కోరిన మొత్తం సమాచారాన్ని వారికి అందించిందని బైజూ యొక్క న్యాయ బృందం ప్రతినిధి చెప్పారు.కంపెనీ (థింక్ & లెర్న్ ప్రైవేట్ లిమిటెడ్) 2020-21 ఆర్థిక సంవత్సరం నుండి తన ఆర్థిక నివేదికలను సిద్ధం చేయలేదని మరియు ఖాతాలను ఆడిట్ చేయలేదని ఈడీ ఆరోపించింది. అందువల్ల, కంపెనీ అందించిన లెక్కల వాస్తవికతను బ్యాంకుల నుండి క్రాస్ ఎగ్జామిన్ చేస్తున్నట్లు ఆయన తెలిపారు.ఎన్‌ఫోర్స్‌మెంట్ డిపార్ట్‌మెంట్ నుండి నోటీసు అందుకున్నట్లు మీడియా నివేదికలను బైజూ నిర్ద్వంద్వంగా ఖండించింది. కంపెనీకి ఎన్‌ఫోర్స్‌మెంట్ డిపార్ట్‌మెంట్ నుండి అలాంటి కమ్యూనికేషన్ ఏదీ అందలేదని ఒక ప్రకటలో తెలిపింది.