Kerala: కేరళ బీజేపీ నేత హత్య కేసులో పీఎఫ్‌ఐకి చెందిన 15 మంది సభ్యులకు మరణశిక్ష

Kerala: బీజేపీ నేత రంజిత్ శ్రీనివాసన్‌ను హత్య చేసిన కేసులో పాపులర్ ఫ్రంట్ ఆఫ్ ఇండియా (పీఎఫ్‌ఐ)కి చెందిన 15 మంది వ్యక్తులకు మరణశిక్ష విధిస్తూ కేరళ కోర్టు మంగళవారం ఉత్తర్వులు జారీ చేసింది. 2021 డిసెంబర్‌లో రంజిత్ హత్యకు గురయ్యారు.

కుటుంబ సభ్యులముందే..(Kerala)

మావెలిక్కర అదనపు జిల్లా న్యాయమూర్తి వీజీ శ్రీదేవి ఈ శిక్షను ఖరారు చేశారు. దోషులకు గరిష్ట శిక్ష విధించాలని ప్రాసిక్యూషన్ కోరింది, వారు శిక్షణ పొందిన కిల్లర్ స్క్వాడ్ అని బాధితుడిని అతని తల్లి, బిడ్డ, భార్య ముందు చంపిన క్రూరమైన మరియు దౌర్జన్యమైన విధానం దీనిని తెలియజేస్తోందని పేర్కొంది.మొత్తం 15 మంది నిందితులునిషేధించబడిన పాపులర్ ఫ్రంట్ ఆఫ్ ఇండియా (PFI)తో సంబంధం కలిగి ఉన్నారు.అంతకుముందు జనవరి 20న, ఈ కేసులో నిందితులుగా ఉన్న 15 మందిలో ఎనిమిది మంది నేరుగా ఈ హత్యలో పాల్గొన్నారని కోర్టు గుర్తించింది. నేరంలో ప్రత్యక్షంగా పాల్గొన్న వారితో పాటుమారణాయుధాలతో సంఘటనా స్థలానికి వచ్చినందున మరో నలుగురు హత్యకు పాల్పడ్డారని కోర్టు నిర్ధారించింది.కుట్రదారులైన ముగ్గురు నిందితులు కూడా నేరపూరిత కుట్ర మరియు హత్యకు పాల్పడినట్లు తేలింది.మొత్తం 15 మంది నిందితులపై హత్యా నేరాలు రుజువయ్యాయి.