Nanded Government Hospital: మహారాష్ట్రలోని నాందేడ్ జిల్లాలోని ప్రభుత్వ ఆసుపత్రిలో మరో ఏడుగురు రోగులు మరణించడంతో మరణాల సంఖ్య 31కి చేరుకుంది. వీరిలో నలుగురు శిశువులు ఉన్నారు. మొత్తంమీద ఈ ఆసుపత్రిలో 24 గంటల్లో 16 మంది శిశువులు, 15 పెద్దలు మృతి చెందారు.
అనారోగ్య సమస్యలతోనే..(Nanded Government Hospital)
మందుల కొరత కారణంగానే మరణాలు సంభవించాయని శంకర్‌రావు చవాన్ ప్రభుత్వ ఆసుపత్రి అధికారులు సోమవారం తెలిపారు. . చనిపోయిన వారిలో పన్నెండు మంది పెద్దలు పాము కాటుతో సహా వివిధ వ్యాధుల కారణంగా మరణించారని ఆసుపత్రి డీన్ తెలిపారు.ఆసుపత్రి తృతీయ స్థాయి కేర్ సెంటర్ మాత్రమేనని, అయితే 70-80 కి.మీ పరిధిలో ఉన్న ఏకైక ఆరోగ్య సంరక్షణ కేంద్రం కావడంతో వివిధ ప్రాంతాల నుంచి రోగులు వస్తున్నారని వివరించారు. మహారాష్ట్ర మెడికల్ ఎడ్యుకేషన్ అండ్ రీసెర్చ్ డైరెక్టర్ డాక్టర్ దిలీప్ మైసేకర్ మాట్లాడుతూ గత 24 గంటల్లో, నాందేడ్ ప్రభుత్వ ఆసుపత్రి మరియు మెడికల్ కాలేజీ (జిఎంసిహెచ్)లో 24 మరణాలు నమోదయ్యాయి. వీరిలో 12 మంది శిశువులు కొన్ని స్థానిక ప్రైవేట్ ఆసుపత్రుల ద్వారా ఇక్కడకు పంపబడ్డారు. మిగిలిన మరణాలు వివిధ కారణాల వల్ల పెద్దలకు సంబంధించినవి. 12 మంది శిశువుల్లో ఆరుగురు మగ మరియు ఆరుగురు ఆడ శిశువులుఉన్నారు. వీరిలో ఎక్కువ మంది 0-3 రోజుల వయస్సు గలవారు మరియు చాలా తక్కువ బరువు కలిగి ఉన్నారని చెప్పారు. మృతి చెందిన శిశువుల్లో నలుగురిని చివరి దశలో ఆసుపత్రికి తీసుకువచ్చినట్లు తెలిపారు. రోగులు హింగోలి, పర్భానీ మరియు వాషిమ్‌తో సహా పొరుగు జిల్లాలకు చెందినవారు.మరికొందరు పొరుగున ఉన్న తెలంగాణలోని గ్రామాలకు చెందిన వారని చెప్పారు.
ప్రాణాలను కోల్పోయిన పెద్దలలో ఐదుగురు పురుషులు మరియు ఏడుగురు స్త్రీలు ఉన్నారు. నలుగురు పెద్దలకు గుండె సంబంధిత వ్యాధులు ఉన్నాయి, ఒకరు విషప్రయోగానికి గురయ్యారు, ఒకరికి కాలేయ సమస్య ఉంది. ఇద్దరు కిడ్నీ రోగులు, మరియు ఒక కేసు సమస్యలతో కూడుకున్నది. ప్రెగ్నెన్సీ సమస్యలకు సంబంధించి మూడు కేసులు నమోదయ్యాయి.గత రెండు రోజుల్లో, ఆసుపత్రికి గ్రామీణ ప్రాంతాల నుండి మరియు సుదూర ప్రాంతాల నుండి ఎక్కువ మంది రోగులు వస్తున్నారని తెలిపారు.