Singareni jobs: సింగరేణి కార్మిక కుటుంబాలకు ప్రభుత్వం గుడ్ న్యూస్ చెప్పింది. కారుణ్య నియామకాల వయోపరిమితి పెంచుతూ ప్రభుత్వం నిర్ణయం తీసుకుంది. 35 ఏళ్ల నుంచి 40 ఏళ్లకు పెంచింది. ఈ మేరకు సింగరేణి సంస్థ ఉత్తర్వులు జారీ చేసింది. ఇది మార్చి 9, 2018 నుండి అమలులోకి వస్తుంది. వయోపరిమితి పెంపు వల్ల సుమారుగా 300 మందిప్రయోజనం పొందుతారని అంచనా.
వీరికి మినహాయింపు..(Singareni jobs)
సర్వీస్‌లో ఉన్నప్పుడు మరణించిన లేదా వైద్యపరంగా చెల్లుబాటు కాని మరియు ప్రాణాంతకమైన ప్రమాదాలలో గాయపడిన మాజీ ఉద్యోగుల జీవిత భాగస్వాముల గరిష్ట వయోపరిమితిలో ఎటువంటి మార్పు లేదు. అటువంటి సందర్భాలలో ప్రస్తుత వయోపరిమితి అలాగే ఉంటుంది. కారుణ్య నియామకానికి బదులుగా వన్ టైమ్ సెటిల్మెంట్ తో పరిష్కరించబడిన కేసులకు కూడా ఇది వర్తంచదు. కంపెనీ చైర్మన్‌, మేనేజింగ్‌ డైరెక్టర్‌ ఎన్‌ బలరామ్‌ ఒక ప్రకటనలో ఈ విషయాన్ని తెలిపారు.పాత గరిష్ట వయోపరిమితి నిబంధన ప్రకారం ఎలాంటి సెటిల్మెంట్ చేసుకోని కేసులకు మాత్రమే కొత్త మార్పులు వర్తిస్తాయని ఆయన స్పష్టం చేశారు.ఇది 2018 నుండి ఉద్యోగం కోసం ఎదురుచూస్తున్న దాదాపు 300 మంది వ్యక్తులకు తక్షణమే ప్రయోజనం చేకూరుస్తుంది. అలాగే, రాబోయే రోజుల్లో మరింత మందికి ప్రయోజనం చేకూరుతుందని ఆయన చెప్పారు.