AP Cabinet Meeting: ఏపీ కేబినెట్ తీసుకున్న కీలక నిర్ణయాలు ఇవే

AP Cabinet Meeting: ముఖ్యమంత్రి చంద్రబాబు నాయుడు అధ్యక్షతన మంగళవారం జరిగిన మంత్రివర్గ సమావేశంలో ఆంధ్రప్రదేశ్ రాష్ట్రానికి సంబంధించి పలు కీలక నిర్ణయాలు తీసుకున్నారు. ల్యాండ్ టైట్లింగ్ చట్టం రద్దు బిల్లుకు కేబినెట్ ఆమోదం తెలిపింది. అదేవిధంగా ఉచిత ఇసుక విధానానికి, పౌర సరఫరాల శాఖపై రూ.2 వేల కోట్ల రుణం మంజూరుకు మంత్రివర్గం ఆమోదం తెలిపింది.రైతుల నుంచి ధాన్యం కొనుగోలు నిమిత్తం ఎన్సీడీసీ నుంచి రూ.3200 కోట్ల రుణానికి వ్యవసాయ, సహకార కార్పోరేషన్‌కు ప్రభుత్వ గ్యారెంటీకి కేబినెట్ ఆమోదం తెలిపింది.

పంటల బీమా పథకానికి కమిటీ..(AP Cabinet Meeting)

అంతేకాకుండా, పంటల బీమా పథకానికి సంబంధించిన ప్రీమియం చెల్లింపు ప్రక్రియలను ఖరారు చేసేందుకు ఒక కమిటీని ఏర్పాటు చేయాలని మంత్రివర్గం నిర్ణయం తీసుకుంది. వ్యవసాయ శాఖ మంత్రి అచ్చెన్నాయుడు, దేవాదాయ శాఖ మంత్రి అనగాని, పౌరసరఫరాల శాఖ మంత్రి నాదెండ్ల మనోహర్‌లతో కూడిన ముగ్గురు మంత్రులతో కూడిన కమిటీ రెండు రోజుల్లో అధికారులతో చర్చించి ఒక నిర్ణయానికి వచ్చేలా బాధ్యతలు అప్పగించింది. ప్రీమియం చెల్లింపులను రైతులు స్వచ్ఛందంగా చెల్లించాలా, లేదా రైతుల తరపున ప్రభుత్వమే నిర్ణయం తీసుకోవాలా అనే ప్రశ్నలను కమిటీ ప్రత్యేకంగా ప్రస్తావించనుంది. అధికారులతో చర్చించి సంప్రదింపులు జరిపి రెండు రోజుల్లో నివేదిక సమర్పించాలని మంత్రివర్గం కమిటీని ఆదేశించింది. ఈ నిర్ణయం ఆంధ్రప్రదేశ్‌లోని రైతులకు ప్రయోజనం చేకూర్చే పంటల బీమా పథకానికి ప్రీమియం చెల్లింపు ప్రక్రియను క్రమబద్ధీకరిస్తుంది.