Ram Charan: రామ్‌ చరణ్‌పై విమర్శలు – ఉపాసన రియాక్షన్‌, ఒక్క పోస్ట్‌తో ట్రోలర్స్‌ నోరు మూయించిన మెగా కోడలు

Upasana Reacts on Trolls on Ram Charan: గ్లోబల్‌ స్టార్‌ రామ్‌ చరణ్‌పై విమర్శలు వస్తున్న నేపథ్యంలో ఆయన సతీమణి ఉపాసన ఘాటుగా స్పందించారు. రామ్‌ చరణ్ ఇటీవల కడప దర్గాను సందర్శించిన సంగతి తెలిసిందే. అక్కడ జరిగిన 80వ నేషనల్‌ ముషాయిరా గజల్‌ ఉత్సవాలకు ఆయన ముఖ్య అతిథిగా హాజరయ్యారు. దీంతో అప్పటీ నుంచి చరణ్‌పై విమర్శలు వస్తున్నాయి. కారణం… కొంతకాలం అయ్యప్ప మాలలో ఉన్న రామ్‌ చరణ్‌ మాలలోనే దర్గాకు వెళ్లారు. అయితే దీన్ని పలు హిందూ సంఘాలు తప్పుబడుతున్నారు.

అయ్యప్ప దీక్షలో ఉండగా దర్గా సందర్శించడం కరెక్ట్‌ కాదంటున్నారు. మరికొందరు మాత్రం అందులో తప్పేముందని సమర్థిస్తున్నారు. ఈ తరుణంలో ఉపాసన తన ఇన్‌స్టాగ్రామ్‌ వేదిక ఓ పోస్ట్‌ షేర్‌ చేసింది. అయ్యప్ప మాలలో ఉన్న రామ్‌ చరణ్‌ దర్గా ఉత్సవాల్లో పాల్గొన్న ఫోటోను షేర్‌ చేసింది. దీనికి చరణ్‌ అన్ని మతాలను గౌరవిస్తారంటూ సారే జహాసె అచ్చా.. హిందుస్తాన్‌ హమారా అనే గీతాన్ని జోడించింది. అలాగే విశ్వాసం ఉంటే అందరిని ఏకం చేస్తుందని ఆమె హితవు పలికారు.

“విశ్వాసం అందరిని ఒకటి చేస్తుంది. ఎప్పుడు విభజించబడదు. భారతీయులుగా మేము అన్ని మతాలను గౌరవిస్తాం. ఐక్యతలోనే బలం ఉంది. ఒకేదేశం ఒకేఆత్మ (Faith Unites, Never Divides. As indians We Honor All Paths to the Divine. Our Strength lies in Unity. One nation One Spirit)”అంటూ ఫోటోకి క్యాప్షన్‌ ఇచ్చింది. ఇలా రామ్‌ చరణ్‌పై ట్రోల్‌ చేస్తున్న వారికి ఉపాసన ఇలా తన పోస్ట్‌లో ఘాటుగా రిప్లై ఇచ్చింది. ఆమె పోస్ట్‌కి నెటిజన్ల నుంచి భారీస్థాయిలో మద్దతు వస్తున్నాయి. ఇదిలా ఉంటే రామ్‌ చరణ్‌ హీరోగా డైరెక్టర్‌ శంకర్‌ దర్శకత్వంలో తెరకెక్కిన గేమ్‌ ఛేంజర్‌ రిలీజ్‌కు రెడీ అవుతోంది.

వచ్చే ఏడాది సంక్రాంతికి ఈ సినిమా జనవరి 10న విడుదల కానుంది. ఆర్‌ఆర్‌ఆర్‌ సినిమా తర్వాత చరణ్‌ నటిస్తున్న చిత్రం ఇది కావడంతో మూవీపై భారీ అంచనాలు నెలకొన్నాయి. ఇందులో కియారా అద్వానీ హీరోయిన్‌గా నటించింది. ప్రస్తుతం గేమ్‌ ఛేంజర్‌ పోస్ట్‌ ప్రొడక్షన్‌ వర్క్‌తో పాటు ప్రమోషనల్‌ కార్యక్రమాలను జరుపుకుటుంది. దీని తర్వాత రామ్‌ చరణ్‌.. ‘ఉప్పెన’ డైరెక్టర్‌ బుచ్చిబాబు RC16 సినిమా షూటింగ్‌లో పాల్గొననున్నాడు. ప్రస్తుతం ఈసినిమా కోసం బాలీవుడ్‌ ఫిట్‌నెస్‌ ట్రైనర్‌ శివ ఆధ్వర్యంలో మెకోవర్‌ అవుతున్న సంగతి తెలిసిందే.