Transgender Couple: పండంటి బిడ్డకు జన్మనిచ్చిన కేరళ ట్రాన్స్ జెండర్ జంట

Chaitanya Gangineni

2 years ago

Transgender Couple: కేరళకు చెందిన ట్రాన్స్ జెండర్ జంట జియా పాయల్, జహాద్ తల్లిదండ్రులు అయ్యారు.

కోజికోడ్ ప్రభుత్వ మెడికల్ కాలేజ్ లో సిజేరియన్ ద్వారా పండంటి బిడ్డ పుట్టింది. ఈ విషయాన్ని జియా పావల్ సోషల్ మీడియా ద్వారా తెలిపారు.

అయితే పుట్టింది ఆడ బిడ్డా.. మగ బిడ్డ అనేది ఇపుడే చెప్పబోమని ఈ జంట ప్రకటించింది.

డెలివరీ తర్వాత బిడ్డ, జహాద్ ఇద్దరూ క్షేమంగా ఉన్నట్టు తెలిపారు. ఈ సందర్భంగా జహాద్, జియా జంటకు శుభాకాంక్షలు వెల్లువెత్తాయి.

ట్రాన్స్ జెండర్ల కమిటీ కూడా ఈ విషయం పై సంతోషం వ్యక్తం చేసింది.

మద్దతు తెలిపిన వారందరికీ కృతజ్ఞతలు

తన బిడ్డ చేతిని పట్టుకున్న ఫొటోను జియా సోషల్ మీడియాలో పోస్ట్ చేసింది.

బిడ్డ ఆరోగ్యంగా ఉందని .. తల్లిదండ్రులు కావాలనే కల నెరవేరినందుకు సంతోషంగా ఉందని జియా ఉద్వేగానికి లోనైంది.

తమ వార్త తెలిసినప్పటి నుంచి చాలా మంది శుభాకాంక్షలు తెలిపారని.. తమకు మద్దతు తెలిపిన వారందరికీ కృతజ్ఞతలు తెలిపారు ఈ జంట.

సవాల్ గా మారిన బిడ్డ దత్తత

కాగా, జియా, జహద్ ఇద్దరూ మార్చిలో పండంటి బిడ్డకు జన్మనివ్వబోతున్నట్టు గత వారం సోషల్ మీడియా ద్వారా పంచుకున్న విషయం తెలిసిందవే.

అయితే ఈ లోపలే జహాద్ ప్రసవం అయింది. కోజిగడ్ కు చెందిన ఈ జంట గత మూడేళ్లుగా సహజీవనం చేస్తోంది.

‘తల్లి కావాలనుకున్న నా కల, తండ్రి కావాలనుకునే తన కోరిక త్వరలోనే తీరనున్నాయి. జహాద్ ఇప్పుడు ప్రెగ్నెంట్’ అని అమ్మాయిలా మారిన జియా పావెల్ ఇన్ స్టాలో పోస్టు పెట్టింది.

అయితే ఓ ట్రాన్స్ జెండర్ జంట బిడ్డకు జన్మనివ్వడం దేశంలోనే ఇదే తొలిసారి.

దీంతో సంతానం కోసం అబ్బాయిగా మారే చికిత్సను జహాద్ వాయిద్ వేసుకుంది.

అబ్బాయిలా మారాలనుకుని జహద్ ఇదివరకే శస్త్రచికిత్స ద్వారా తన వృక్షోజాలను తొలగించుకున్నారు.

ఆ తర్వాత ప్రక్రియ జరిగే లోపల గర్భం వచ్చింది.