Prabhas: రాజాసాబ్‌ ‘హ్యారీ పోటర్‌’ని తలపిస్తుంది – బాలీవుడ్‌ నిర్మాత ఇంట్రెస్టింగ్‌ కామెంట్స్

Bollywood Producer About The Raja Saab Movie: ప్రభాస్‌ సినిమాల లైనప్‌ గురించి ప్రత్యేకం చెప్పనవసరం లేదు. బాహుబలి నుంచి పాన్‌ ఇండియా రేంజ్‌ ప్రాజెక్ట్సే చేస్తున్నాడు. అన్ని కూడా భారీ బడ్జెట్‌ చిత్రాలే. సినిమా రిలీజ్‌ అవుతండగానే మరో చిత్రాన్ని లైన్లో పెడుతున్నాడు. ఇప్పుడు ప్రభాస్‌ చేతిలో సలార్‌ 2, కల్కి 2, రాజాసాబ్‌, స్పిరిట్‌తో పాటు హనురాఘవపూడితో ఓ సినిమా చేస్తున్నాడు. ఇవన్ని కూడా భారీ బడ్జెట్‌ సినిమాలే. అయితే మొన్నటి వరకు మారుతి ‘ది రాజా సాబ్‌’ మూవీ విషయంలో ఫ్యాన్స్‌లో కొన్ని సందేహాలు ఉన్నాయి.

బడా డైరెక్టర్లతో పని చేస్తున్న ప్రభాస్ మారుతితో సినిమా చేయడంపై కాస్తా డైలామాలో ఉన్నారు. కానీ వాటన్నింటికి అప్‌డేట్స్‌ గట్టి సమాధానం ఇచ్చాయి. ఇటీవల ప్రభాస్‌ బర్త్‌డే సందర్భంగా విడుదలైన లుక్‌ పోస్టర్‌ విశేష స్పందన అందుకుంది. ఇందులో ప్రభాస్‌ లుక్‌ పాజిటివ్‌ రెస్పాన్స్‌ వచ్చింది. దీంతో మూవీపై భారీ అంచనాలు నెలకొన్నాయి. ఇప్పటికే ఫస్ట్‌లుక్‌తో చిత్రంపై మంచి బజ్‌ క్రియేట్‌ అవ్వగా.. తాజాగా ఓ బాలీవుడ్‌ నిర్మాత చేసిన కామెంట్స్‌ రాజాసాబ్‌పై అంచనాలను అమాంతం పెంచేసింది. ప్రముఖ నిర్మాత, టీ-సిరీస్‌ అధినేత భూషణ్‌ కుమార్‌ ఓ ఇంటర్య్వూలో రాజాసాబ్‌ గురించి ప్రస్తావించారు. ఈ సినిమా హలీవుడ్‌ చిత్రం ‘హ్యారీ పోటర్‌’ని తలపించేలా ఉంటుందన్నారు.

ఆయన మాట్లాడుతూ.. “ప్రభాస్‌ ‘ది రాజా సాబ్’ సినిమాకు సంబంధించి మ్యూజిక్ రైట్స్‌ని మేమే తీసుకున్నాం. ఈ సినిమాలో కొన్ని సీన్స్ చూశాను. చాలా అద్భుతంగా ఉన్నాయి. హాలీవుడ్ మూవీ ‘హ్యారీ పోటర్’ను తలపించేలా ఉన్నాయి” అంటూ చెప్పుకొచ్చారు. ప్రస్తుతం ఆయన కామెంట్స్‌ ఇండస్ట్రీలో హాట్‌టాపిక్‌గా నిలిచాయి. ఆయన కామెంట్స్‌తో రాజాసాబ్‌ హిందీలోనూ మంచి బజ్ క్రియేట్‌ అయ్యేలా కనిపిస్తోంది. కాగా కామెడీ, హరర్‌ థ్రిల్లర్‌గా రాజాసాబ్‌ సినిమాను రూపొందిస్తున్నాడు డైరెక్టర్‌ మారుతి. ఇది థియేటర్లో ఆడియన్స్‌కి మంచి అనుభూతిని ఇస్తుంది, ప్రతి సీన్‌ థ్రిల్లింగ్‌ ఇస్తుందని సినీవర్గాలు నుంచి సమాచారం. కాగా ఈ చిత్రంలో ప్రభాస్‌ సరసన మాళవిక మోహనన్, నిధి అగర్వాల్ హీరోయిన్లుగా నటిస్తున్నారు.

ఇందులో ప్రభాస్ డ్యుయెల్ రోల్ పోషిస్తున్నట్టు తెలుస్తోంది. పీపుల్ మీడియా ఫ్యాక్టరీ ఈ చిత్రాన్ని ప్రతిష్టాత్మకంగా తెరకెక్కిస్తోంది. తమన్ సంగీతం అందిస్తున్నారు. ఏప్రిల్ 10, 2025న రాజాసాబ్‌ ప్రేక్షకుల ముందుకురానుంది. ఇదిలా ఉంటే సందీప్‌రెడ్డి వంగాతో ప్రభాస్‌ స్పిరిట్ మూవీ చేస్తున్నాడు. ఈ సినిమాకు భూషణ్‌ కుమార్‌ నిర్మాతగా వ్యవహరించనున్నారు. ఇదే ఇంటర్య్వూలో ఆయన స్పిరిట్‌ మూవీపై కీలక అప్‌డేట్‌ ఇచ్చారు. “స్పిరిట్‌ను డిసెంబర్‌లో లాంచ్‌ చేసి వచ్చే ఏడాది ప్రారంభంలో రెగ్యులర్‌ షూటింగ్‌ మొదలుపెడతాం. ఇది భారీ బడ్జెట్‌ మూవీ. ఇందులో ప్రభాస్‌ పోలీసుల ఆఫీసర్‌గా కనిపిస్తాడు. అలాగే భారీ తారగణం ఇందులో నటించబోతోంది. ఈ సినిమా కోసం మేము చాలా ఆసక్తిగా ఎదురుచూస్తున్నాం” అంటూ చెప్పుకొచ్చాడు.