Imran Khan: ఇమ్రాన్ ఖాన్‌పై నాన్ బెయిలబుల్ అరెస్ట్ వారెంట్ జారీ చేసిన పాకిస్తాన్ కోర్టు

Imran Khan: తోషాఖానా కేసులో మాజీ ప్రధాని ఇమ్రాన్ ఖాన్‌పై పాకిస్తాన్ కోర్టు మంగళవారం నాన్-బెయిలబుల్ అరెస్ట్ వారెంట్ జారీ చేసింది, అయితే హై డ్రామా మధ్య అతనికి మరో రెండు కేసులలో బెయిల్ లభించింది. .పాకిస్తాన్ తెహ్రీక్-ఇ-ఇన్సాఫ్ (పిటిఐ) చీఫ్ ఖాన్ మూడు కేసులలో హాజరు కావడానికి లాహోర్‌లోని తన జమాన్ పార్క్ నివాసం నుండి ఇస్లామాబాద్‌కు వెళ్లారు.తోషాఖానా కేసులో ఇమ్రాన్ ఖాన్ పై అదనపు సెషన్స్ జడ్జి జాఫర్ ఇక్బాల్ నాన్ బెయిలబుల్ అరెస్ట్ వారెంట్ జారీ చేశారు. అతను కోర్టుకు పదేపదే హాజరుకాకపోవడంతో విచారణను మార్చి 7కి వాయిదా వేసింది.

తోషాఖాన్ కేసు ఏమిటి ? (Imran Khan)

ఇమ్రాన్ ఖాన్ తోషాఖానా అనే స్టేట్ డిపాజిటరీ నుండి డిస్కౌంట్ ధరకు ప్రీమియర్‌గా అందుకున్న ఖరీదైన గ్రాఫ్ రిస్ట్ వాచ్‌తో సహా బహుమతులను కొనుగోలు చేసారు. తరువాత వాటిని లాభాల కోసం విక్రయించిన కేసులో ఇమ్రాన్ ఖాన్ దొరికిపోయారు.తోషాఖానా కేసుకు ప్రతిస్పందనగా ప్రభుత్వ ఆస్తులను ధ్వంసం చేసినందుకు ఖాన్ మరియు సీనియర్ నాయకులపై ఇస్లామాబాద్ పోలీసులు తీవ్రవాద కేసు నమోదు చేశారు.ఫెడరల్ ఇన్వెస్టిగేషన్ ఏజెన్సీ (FIA) గత ఏడాది అక్టోబర్‌లో ఇస్లామాబాద్‌లోని బ్యాంకింగ్ కోర్టులో ఖాన్ మరియు ఇతరనాయకులపై నిషేధిత నిధులను స్వీకరించినందుకు కేసు నమోదు చేసింది.నిషేధిత నిధుల కేసులో ఉగ్రవాద నిరోధక కోర్టు (ATC) అలాగే బ్యాంకింగ్ కోర్టు ఇమ్రాన్ ఖాన్ కు బెయిల్ మంజూరు చేసింది.

ఇమ్రాన్ ఖాన్‌పై అనర్హత వేటు వేసిన ఎన్నికల సంఘం..

గత ఏడాది పాకిస్థాన్ ఎన్నికల సంఘం తమ పార్టీకి అందిని నిధుల విషయాన్ని దాచినందుకు ఇమ్రాన్ ఖాన్‌పై అనర్హత వేటు వేసింది.నిషిద్ధ నిధుల కేసును 2014లో విడిపోయిన పిటిఐ పార్టీ వ్యవస్థాపక సభ్యుడు అక్బర్ ఎస్ బాబర్ దాఖలు చేశారు.పంజాబ్‌లోని వజీరాబాద్ ప్రాంతంలో తన ర్యాలీలో హత్యాయత్నంలో గాయపడిన ఖాన్ గత ఏడాది నవంబర్ నుండి ఎటువంటి విచారణలకు హాజరుకాలేదు.ఇమ్రాన్ ఖాన్ పై హత్యాయత్నం జరిగిన నేపధ్యంలో ఇస్లామాబాద్‌లోని ప్రత్యేక కోర్టు మధ్యంతర బెయిల్ మంజూరు చేసింది.ఆ తర్వాత వైద్య కారణాల వల్ల బెయిల్‌ను పొడిగించారు.రష్యా, చైనా మరియు ఆఫ్ఘనిస్తాన్‌లపై అతని స్వతంత్ర విదేశాంగ విధాన నిర్ణయాల కారణంగా తనను లక్ష్యంగా చేసుకున్నాయని ఇమ్రాన్ ఖాన్ ఆరోపించారు. తన నాయకత్వంపై అవిశ్వాస తీర్మానంలో ఓడిపోయిన తర్వాత గత ఏప్రిల్‌లో అధికారం నుండి తొలగించబడ్డాడు.

గత ఏడాది ప్రారంభంలో, నిషేధిత నిధుల కేసులో (తోషాఖానా కేసు) ఖాన్‌పై అనర్హత వేటు వేసిన తర్వాత ఎన్నికల కమిషన్‌కు వ్యతిరేకంగా పెద్ద సంఖ్యలో పాకిస్తాన్ తెహ్రీక్-ఇ-ఇన్సాఫ్ (పిటిఐ) నిరసన వ్యక్తం చేసింది. అయితే, యాంటీ టెర్రరిజం కోర్టు మాజీ ప్రీమియర్ ముందస్తు బెయిల్ మంజూరు చేసింది మరియు అనేకసార్లు తన ముందు హాజరు కావాలని సమన్లు జారీ చేసింది. తదనంతరం, కోర్టు గత వారం ఖాన్‌ను మధ్యాహ్నం 2 గంటలకు వ్యక్తిగతంగా కోర్టుకు హాజరు కావాలని కోరింది. అయితే, ఆరోగ్య, భద్రత సమస్యల కారణంగా ఆయన సమయానికి రాలేదు.