Nawaz Sharif: నాలుగేళ్ల తరువాత పాకిస్తాన్ కు తిరిగివచ్చిన మాజీ ప్రధాని నవాజ్ షరీఫ్

Nawaz Sharif: పాకిస్తాన్ మాజీ ప్రధాని నవాజ్ షరీఫ్ నాలుగు సంవత్సరాల ప్రవాసం తర్వాత శనివారం మధ్యాహ్నం స్వదేశానికి తిరిగి వచ్చారు. వచ్చే ఏడాది జనవరిలో పాకిస్తాన్ లో సార్వత్రిక ఎన్నికలు జరుతున్న నేపధ్యంలో షరీఫ్ స్వదేశానికి చేరుకోవడం ప్రాధాన్యతను సంతరించుకుంది.

 అవినీతి కేసుల్లో నేరస్థుడిగా..(Nawaz Sharif)

షరీఫ్ ‘ఉమీద్-ఎ-పాకిస్థాన్’ చార్టర్డ్ విమానంలో దుబాయ్ నుంచి ఇస్లామాబాద్ చేరుకున్నారు. అక్టోబరు 19న కోర్టు ఆమోదించిన బెయిల్ ప్రక్రియలో భాగంగా షరీఫ్ బయోమెట్రిక్స్ తీసుకుని ఇస్లామాబాద్ హైకోర్టుకు సమర్పించేందుకు షరీఫ్ న్యాయవాద బృందం అతనిని కలుస్తుంది. ఇస్లామాబాద్‌లో గంటసేపు బస చేసిన తర్వాత, ర్యాలీలో ప్రసంగించేందుకు లాహోర్‌కు బయలుదేరుతారు. హైకోర్టు నాలుగు వారాలపాటు బెయిల్ మంజూరు చేయడంతో షరీఫ్ 2019 నవంబర్‌లో వైద్య కారణాలపై అల్-అజీజియా అవినీతి కేసులో ఏడేళ్ల జైలు శిక్ష మధ్యలో లండన్ వెళ్లిపోయారు.ఈ నాలుగు సంవత్సరాల్లో, శిక్షలకు వ్యతిరేకంగా అప్పీళ్లపై విచారణకు నిరంతరం గైర్హాజరైనందుకు అల్-అజీజియా మరియు అవెన్‌ఫీల్డ్ అవినీతి కేసుల్లో ప్రకటిత నేరస్థుడిగా ప్రకటించబడ్డారు.ఈ వారం ప్రారంభంలో, ఇస్లామాబాద్ హైకోర్టు మంగళవారం వరకు షరీఫ్‌కు రక్షణ బెయిల్ మంజూరు చేసింది. అతను దేశంలోకి తిరిగి వచ్చినప్పుడు తక్షణ అరెస్టు బెదిరింపును తొలగించింది. షరీఫ్‌కు ప్రధాన ప్రత్యర్థి, మాజీ ప్రధాని ఇమ్రాన్‌ఖాన్‌ జైల్లో ఉన్న విషయం తెలిసిందే.

షరీఫ్ మూడుసార్లు ప్రధానమంత్రిగా ఉన్నారు, కానీ 2017లో పదవీచ్యుతుడయ్యారు. అవినీతికి పాల్పడిన తర్వాత రాజకీయాల నుండి జీవితకాల అనర్హత విధించారు.అతను యునైటెడ్ కింగ్‌డమ్‌లో వైద్య సంరక్షణ కోసం అనుమతి పొందే ముందు ఏడేళ్ల జైలు శిక్షలో భాగంగా ఒక సంవత్సరం కంటే తక్కువ కాలం గడిపారు.అతని సోదరుడు షెహబాజ్ షరీఫ్ గత సంవత్సరం అధికారంలోకి వచ్చినప్పుడు పరిస్దితులు మారాయి. చట్టసభ సభ్యులను ఎన్నికల్లో పోటీ చేయకుండా ఐదేళ్లకు అనర్హత వేటుతో సహా చట్టంలో మార్పులను అతని ప్రభుత్వం పర్యవేక్షించింది.పాక్‌ సైన్యంతో లోపాయికారీగా రాజీ పడటం వల్లనే నవాజ్‌ షరీఫ్ స్వదేశానికి వచ్చినట్లు వార్తలు వినిపిస్తున్నాయి. కోర్టు కేసులు ఎదుర్కొంటున్న నవాజ్‌ కోసం న్యాయపరంగా, రాజకీయపరంగా పలు సవాళ్లు ఎదుర్కొవాల్సి ఉంది. ఆయనపై ఏవెన్‌ ఫీల్డ్‌, అల్‌ అజీజియా అవినీతి కేసుల్లో ఈ నెల 24 వరకు ఇస్లామాబాద్‌ హైకోర్టు ముందస్తు బెయిలు మంజూరు చేసింది. తోషాఖానా, వాహనాల కేసులో ఆయనపై అరెస్టు వారెంటును అవినీతి నిరోధక కోర్టు ఈ నెల 24 తేదీ వరకు రద్దు చేసింది. ఈ భరోసాలతోనే నవాజ్‌ అరెస్టు భయం లేకుండా పాక్‌లో తిరిగి కాలు మోపగలిగారని ఇస్లామబాద్‌ రాజకీయవర్గాల్లో జోరుగా చర్చ సాగుతోంది.