Elon Musk: మరోసారి ప్రపంచంలోనే అత్యంత ధనవంతుడిగా ఎలోన్ మస్క్

Elon Musk: టెస్లా స్టాక్ ధరలు పెరగడంతో ఎలోన్ మస్క్ ప్రపంచంలోనే అత్యంత ధనవంతుడుగా తన స్దానాన్ని తిరిగి పొందాడని బ్లూమ్‌బెర్గ్ నివేదిక వెల్లడించింది. టెస్లా షేర్లు క్షీణించడంతో డిసెంబర్ 2022లో ప్రపంచంలోని అత్యంత సంపన్న వ్యక్తిగా మస్క్ తన స్దానాన్ని పోగోట్టుకున్నాడు. అతని స్థానంలోకి లూయిస్ విట్టన్ సీఈవో బెర్నార్డ్ ఆర్నాల్ట్ వచ్చారు. అయితే, దాదాపు రెండు నెలల తర్వాత, మస్క్ అత్యంతధనవంతుడిగా నిలిచాడు.

ప్రపంచంలోనే సంపద కొల్పోయిన వాడిగా రికార్డు..(Elon Musk)

మస్క్ నికర విలువ ఇప్పుడు USD 187 బిలియన్లుగా ఉంది. ఈ ఏడాది ప్రారంభంలో అతని నికర విలువ USD 137 బిలియన్లు. సెప్టెంబరు 2021 నుండి ఎలోన్ మస్క్ ప్రపంచంలోనే అత్యంత ధనవంతుడు. అతనికి ముందు, అమెజాన్ వ్యవస్థాపకుడు జెఫ్ బెజోస్ ఆ స్థానాన్ని ఆక్రమించారు.ఈ సంవత్సరం ప్రారంభంలోఎలోన్ మస్క్ చరిత్రలో అతిపెద్ద వ్యక్తిగత సంపదను కోల్పోయిన వాడిగా ప్రపంచ రికార్డును అధికారికంగా బద్దలు కొట్టాడు.గిన్నిస్ వరల్డ్ రికార్డ్స్ పత్రికా ప్రకటన కూడా గతంలో ఈ విషయాన్ని తెలిపింది. జపనీస్ టెక్ ఇన్వెస్టర్ మసయోషి సన్ 56 బిలియన్ డాలర్లు కోల్పోయింది. “ఖచ్చితమైన సంఖ్యను నిర్ధారించడం దాదాపు అసాధ్యం అయినప్పటికీ, మస్క్ యొక్క మొత్తం నష్టాలు 2000లో జపాన్ టెక్ ఇన్వెస్టర్ మసయోషి సన్ నెలకొల్పిన $58.6 బిలియన్ల మునుపటి రికార్డును అధిగమించాయని అది పేర్కొంది.

టెస్లా కంపెనీలో అతిపెద్దవాటాదారు..

మస్క్ యొక్క వ్యక్తిగత సంపదలో ఎక్కువ భాగం టెస్లా స్టాక్‌లతో ముడిపడి ఉంది. అతను టెస్లా వ్యవస్థాపకుడు. ఈ కంపెనీలో అతిపెద్ద వాటాలను కలిగి ఉన్నారు. ఎలక్ట్రిక్ కార్ బ్రాండ్‌ను జూలై 2003లో మార్టిన్ ఎబర్‌హార్డ్ మరియు మార్క్ టార్పెనింగ్‌లు టెస్లా మోటార్స్‌గా స్థాపించారు. 2004లో, మస్క్ USD 6.5 మిలియన్ల భారీ మొత్తంలో పెట్టుబడి పెట్టడం ద్వారా కంపెనీ యొక్క అతిపెద్ద వాటాదారు అయ్యాడు. ఆ తర్వాత అతను 2008లో కంపెనీ సీఈవో మరియు ప్రొడక్ట్ ఆర్కిటెక్ట్‌గా బాధ్యతలు స్వీకరించాడు.

ట్విట్టర్ లో భారీగా తొలగింపులు..

మస్క్ 2022 ఏప్రిల్ మరియు ఆగస్టులలో USD 15.4 బిలియన్ల విలువ కలిగిన టెస్లా షేర్లను విక్రయించాడు.ఆ సమయంలో, ‘తదుపరి విక్రయాలు ప్రణాళిక’ ఏమీ లేదని అతను చెప్పాడు. అయితే, నవంబర్ 2022లో, మస్క్ USD 4 బిలియన్ల విలువైన మరో 19.5 మిలియన్ టెస్లా షేర్లను విక్రయించాడు. టెస్లా స్టాక్‌లు 2022లో క్షీణించడం ప్రారంభించాయి. మస్క్ టెస్లా ఉద్యోగులందరికీ స్టాక్ మార్కెట్ గురించి బాధపడవద్దని వారికి ఇమెయిల్ పంపినట్లు తెలిసింది.అక్టోబర్ 2022లో మస్క్ ట్విట్టర్‌ను USD 44 బిలియన్ డాలర్లకు కొనుగోలు చేశాడు. మస్క్ చేసిన మొదటి పని ఏమిటంటే, కంపెనీ యొక్క అప్పటి-CEO, పరాగ్ అగర్వాల్‌తో పాటు ఇతర ఉన్నతాధికారులను తొలగించడం. మస్క్ పాలనలో, మెజారిటీ ట్విటర్ సిబ్బంది రాజీనామా చేశారు లేదా తొలగించబడ్డారు.నవంబర్ 2022 తర్వాత కంపెనీలో ఎలాంటి తొలగింపులు ఉండవని హామీ ఇచ్చారు. అయితే, అప్పటి నుండి, అనేక తొలగింపులు ప్రకటించబడ్డాయి.

మస్క్ టేకోవర్ చేయడానికి ముందు, ట్విట్టర్‌లో దాదాపు 7,500 మంది ఉద్యోగులు ఉన్నారు. అయితే అతను ట్విట్టర్ ను కొనుగోలు చేసాక ఉద్యోగుల సంఖ్య దాదాపు 2,300 మందికి తగ్గించబడింది. తాజాగా ట్విట్టర్ నుంచి 200 మంది ఉద్యోగులను తొలగించారు.