Trump T-shirts: డొనాల్డ్ ట్రంప్ పై హత్యాయత్నం.. చైనా టీ షర్టులకు పెరిగిన డిమాండ్

Trump T-shirts: అమెరికా మాజీ అధ్యక్షుడు డొనాల్డ్ ట్రంప్ శనివారం సాయంత్రం పెన్సిల్వేనియాలో ఎన్నికల ర్యాలీ సందర్భంగా హత్యాయత్నం నుంచి తృటిలో తప్పించుకున్న విషయం తెలిసిందే. ఇది జరిగిన కొన్ని గంటల్లోనే, చైనీస్ రిటైలర్లు మరియు ఆన్‌లైన్ దుకాణాలు ట్రంప్ ఫోటోలతో కూడిన టీ-షర్టుల అమ్మకాలను ప్రారంభించాయి.

మూడు గంటల్లో రెండువేల ఆర్డర్లు..(Trump T-shirts)

అసోసియేటెడ్ ప్రెస్ విడుదల చేసిన, భద్రతా అధికారులచే చుట్టుముట్టబడిన పిడికిలి బిగించిన ట్రంప్ ఫోటో, టావోబావో వంటి చైనీస్ ఇ-కామర్స్ ప్లాట్‌ఫారమ్‌లలో టీ-షర్టులపై అమ్మకానికి సిద్దమయింది.సౌత్ చైనా మార్నింగ్ పోస్ట్ ప్రకారం, అసోసియేటెడ్ ప్రెస్ ఆదివారం సాయంత్రం 6:31 గంటలకు ట్రంప్ పిడికిలి ఊపుతున్న ఫోటోను ప్రచురించింది. రాత్రి 8:00 గంటలకు అమెరికా మాజీ అధ్యక్షుడు జో బైడెన్ స్పందించడానికి ముందే చైనా తయారీదారులు టీ షర్టులతో సిద్ధంగా ఉన్నారు. మొదటి బ్యాచ్ రాత్రి 8.40 గంటలకు ప్రసిద్ధ చైనీస్ ఇ-కామర్స్ ప్లాట్‌ఫారమ్ టావోబావోలో విక్రయించబడింది. మూడు గంటల్లోనే చైనా, అమెరికా రెండింటి నుండి 2,000 కంటే ఎక్కువ ఆర్డర్లను పొందింది. ఈ టీ-షర్టులకు పెరిగిన డిమాండ్‌ను చూసిన తర్వాత ఇతర రిటైలర్లు కూడా తమ ఉత్పత్తులను ఆన్‌లైన్‌లో జాబితా చేశారు.చైనా రిటైలర్లు ప్రధానంగా ట్రంప్ సావనీర్‌లను ఉత్పత్తి చేస్తారు, ఎందుకంటే వాటికి డిమాండ్ ఎక్కువగా ఉంది