China Balloon: మరోసారి చైనా బెలూన్ కలకలం.. లాటిన్ అమెరికా దేశాలపై ఎగిరిన స్పై బుడగ.. అమెరికా, చైనా వార్ ముదరనుందా..?

China Balloon: అమెరికా దేశాలపై చైనా బెలూన్స్ దర్శనమివ్వడం తీవ్ర కలకలాన్ని సృష్టిస్తున్నాయి. ఇటీవల తాజాగా అమెరికా దేశ సరిహద్దుల్లో ఆకాశంలో తెల్లటి ఆకారంలో చైనా స్పై బెలూన్ కనిపించింది.

దానితో ఆగ్రహించిన అమెరికా ఏఐఎం-9 ఎక్స్ సైడ్ వైండర్ అనే క్షిపణితో ఆ స్పై బెలూన్ను కూల్చివేసిన సంగతి తెలిసిందే.

అయితే ఆ బెలూన్ ద్వారా చైనా అమెరికాపై గూఢచర్యానికి పాల్పడుతోందని ఆ దేశ ప్రధాన ఆరోపణ.

కానీ చైనా మాత్రం అది వాతావరణ మార్పులను అధ్యయనం చేసేందుకు ఉద్దేశించిన బెలూన్ అని చెబుతోంది.

మరోసారి స్పై బెలూన్ కలకలం

ఈ తరుణంలోనే, మరోసారి ఈ బెలూన్(China Balloon) దర్శనమిచ్చింది. ఈ సారి లాటిన్ అమెరికా దేశాలపై తారసపడింది. అయితే ఇది కూడా చైనా బెలూన్ అని వెల్లడైయ్యింది.

కాగా ఈ బెలూన్ విషయాన్ని లాటిన్ అమెరికా దేశాలు టేక్ ఇట్ ఈజీగా తీసుకున్నాయి.

ఈ రెండో బెలూన్ ను కూడా మొదట గుర్తించింది అమెరికా రక్షణశాఖే కావడం విశేషం.

అమెరికా గగనతలంపై ఎగిరిన బెలూన్ తరహాలోనే ఈ బెలూన్ కూడా ఉండడంతో అమెరికా ఈ విషయాన్ని సీరియస్ గా తీసుకుంది. చైనా కూడా ఆ రెండో బెలూన్ తమదేనని స్పష్టం చేసింది.

ఈ చైనా బెలూన్ అమెరికా దేశాలైన కొలంబియా, వెనిజులా, కోస్టారికా మీదుగా పయనించినట్టు సమాచారం.

కాగా ప్రస్తుతం ఈ రెండో బెలూన్ ఎక్కడుందనే సమాచారం తెలియరాలేదు.

పట్టించుకోని లాటిన్ అమెరికా..

చైనాతో వాణిజ్య పరంగా సన్నిహిత సంబందాలున్న లాటిన్ అమెరికా దేశాలు మాత్రం ఈ బెలూన్ విషయాన్ని పెద్దగా పట్టించుకోవడం లేదనే తెలుస్తోంది.

కానీ అమెరికా రక్షణ శాఖ మాత్రం దీనిపై తప్పకుండా ఓ కన్నేసి ఉంటుందని విశ్లేషకుల వాదన.

అయితే కూల్చేసిన బెలూన్ శిథిలాలను చైనాకు అప్పగించాలని ఆ దేశం కోరగా .. ఇచ్చే ప్రసక్తేలేదని అమెరికా తేల్చి చెప్పింది.

ఆ శకలాలను పరిశీలించిన తర్వాత ఎలాంటి చర్యలు తీసుకోవాలనేదానిపై తదుపరి యాక్షన్ ఉంటుందని అమెరికా చెప్పుకొచ్చింది.

ఇదేం తొలిసారి కాదు..

మరి ఈ విషయం ఎలాంటి మలుపులు తీసుకుంటుందో వేచి చూడాలి.

ఇకపోతే ఇలా బెలూన్లు అమెరికా గగనతలంలో ఎగరడం కొత్తేమి కాదని.. గతంలోనూ చాలా బెలూన్లు వచ్చాయి కానీ ఇంతసేపు కనిపించడం ఇదే తొలిసారని వారు చెప్పుకొచ్చారు.

జనవరి 28న ఈ బెలూన్ అమెరికాలోని అలస్కా ప్రాంతంలోని ఆకాశంలో కనిపించింది.

ఆ తర్వాత కెనడా, మరి కొద్ది రోజుల తర్వాత మళ్లీ అమెరికాలో కనిపించిందని అమెరికా ఆరోపిస్తుంది.

https://www.youtube.com/Prime9News
https://www.youtube.com/@Prime9Digital

Facebook:  https://www.facebook.com/prime9news

Twitter: https://twitter.com/prime9news

Instagram: https://www.instagram.com/prime9news/