Nagarjuna Akkineni: టాలీవుడ్ మన్మధుడు అక్కినేని నాగార్జున ఇటీవలి సినిమాలు ది ఘోస్ట్ మరియు వైల్డ్ డాగ్ బాక్సాఫీస్ వద్ద డిజాస్టర్లుగా నిలిచాయి. మరోవైపు, అతను అతిపెద్ద రియాలిటీ షో బిగ్ బాస్‌ను హోస్ట్ చేస్తున్నాడు.
త్వరలో నాగార్జున మలయాళ రీమేక్‌లో కనిపించబోతున్నాడని సమాచారం. దీనికి సంబంధించి అతను గ్రీన్ సిగ్నల్ ఇచ్చాడని తెలుస్తోంది. 2019 సంవత్సరంలో విడుదలైన మలయాళ యాక్షన్ థ్రిల్లర్ అయిన పోరింజు మరియం జోస్ బ్లాక్ బస్టర్ గా నిలిచింది. నాగార్జున ఇపుడు ఈ చిత్రం రీమేక్ లో నటిస్తారు. రచయిత ప్రసన్న కుమార్ బెజవాడ ఈ చిత్రానికి దర్శకత్వం వహించనున్నాడు. ఇది అతనికి దర్శకుడిగా మొదటి చిత్రం కావడం విశేషం .
ఇంతకుముందు, ప్రసన్న కుమార్ హలో గురు ప్రేమ కోసమే, నేను లోకల్ మరియు ఇటీవల రవితేజ యొక్క ధమాకా వంటి చిత్రాలకు అసిస్టెంట్ డైరెక్టర్‌గా పనిచేశాడు. ప్రస్తుతం నాగ చైతన్య కస్టడీ చిత్రాన్ని నిర్మిస్తున్న శ్రీనివాస చిట్టూరి ఈ యాక్షన్ థ్రిల్లర్‌ని నిర్మిస్తారు. దీనికి సంబంధించి విశేషాలు త్వరలో ప్రకటించే అవకాశముంది.