Prabhas Delicious Food Treat to Imanvi: పాన్‌ ఇండియా స్టార్‌ ప్రభాస్‌ తన కొత్త సినిమా హీరోయిన్‌కి ఆతిథ్యం ఇచ్చాడు. ఇదే విషయాన్ని చెబుతూ ఫౌజీ హీరోయిన్ ఇమాన్వీ వీడియో షేర్‌ చేసింది. కాగా ప్రభాస్‌తో సినిమా అంటే సెట్స్‌లో ఉన్నవాళ్లంతా డైట్ పక్కన పెట్టాల్సిందే. ఆయనతో షూటింగ్ అంటే డైట్ ఫాలో అవ్వలేమంటూ ఎంతో స్టార్స్‌ కంప్లయింట్‌ చేసిన సందర్భాలు ఉన్నాయి. ప్రభాస్‌ భోజన ప్రియుడనే విషయం తెలిసిందే. తన సినిమా ఏదైనా సెట్స్‌లోని వారందరికి ఆయన ఇంటి నుంచి భోజనం వస్తుంది. పప్పు, పెరుగు, ఏదోక్క కర్రీతో సరిపట్టరు. భీమవరం స్పెషల్స్‌ అన్ని ఉండాల్సిందే.
చికెన్‌, చేపలు, మటన్‌కి సంబంధించి ఎన్ని వెరైటీలు ఉంటే అన్ని వెరైటీలు వండించి వారి ఆతిథ్యం ఇస్తాడు. ఈ డార్లింగ్‌ తన కొత్త సినిమా హీరోయిన్‌కి ఆతిథ్యం ఇచ్చాడు. ఆమె ఇంటికే ఏకంగా క్యారేజ్‌ పంపించాడట. ఈ విషయాన్ని ఆమె స్వయంగా వెల్లడించింది. ప్రభాస్‌ ప్రస్తుతం హను రాఘవపూడి దర్శకత్వంలో ఫౌజీ అనే సినిమా చేస్తున్న సంగతి తెలిసిందే. ఇందులో ప్రభాస్‌ జోడీగా సోషల్‌ మీడియా ఇన్‌ప్లూయేన్సర్‌, ఢిల్లీ బ్యూటీ ఇమాన్వీ హీరోయిన్‌గా నటిస్తోంది. అయితే తాజాగా ఆమెకు ప్రభాస్‌ ఇంటి నంచి క్యారెజ్‌ వెళ్లింది. ప్రభాస్‌ పంపిన విందును వీడియో తీసి తన ఇన్‌స్టాగ్రామ్‌ స్టోరీలో షేర్‌ చేసింది. దీనికి ఆమె ప్రభాస్‌ థ్యాంక్స్‌ చెబుతూ క్యాప్షన్‌ ఇచ్చింది.
కాగా ఇమానవ్ఈ ఎస్మాయిల్‌ ప్రభాస్‌ సినిమాతోనే హీరోయిన్‌గా ఎంట్రీ ఇస్తోంది. ఇన్‌స్టాగ్రామ్‌ స్టార్‌ ఆమె నెటిజన్స్‌కి పరిచయం. ఇన్‌స్టా మంచి ఫ్యాన్‌ ఫాలోయింగ్‌ సంపాదించుకున్న ఆమె తొలి సినిమాకే ప్రభాస్‌ సరసన నటించే జాక్‌పాక్‌ కొట్టేసింది. దీంతో ఆమె ఓవర్‌నైట్‌ స్టార్‌ అయిపోయింది. కాగా పీరియాడికల్‌ యాక్షన్‌ డ్రామా ఈ సినిమాను హను రాఘపూడి రూపొందిస్తున్నారు. ప్రస్తుతం శరవేగంగా షూటింగ్ జరుపుకుంటున్న ఈ సినిమాను మైత్రీ మూవీ మేకర్స్‌ భారీ బడ్జెట్‌తో నిర్మిస్తున్నారు.