Womens Asian Champions Trophy: ఆసియా కప్‌ టైటిల్‌.. అమ్మాయిలు అదరగొట్టారు

India beat China to retain Womens Asian Champions Trophy title: భారత మహిళల హాకీ జట్టు అద్భుత ప్రదర్శనతో ఆసియా కప్‌ టైటిల్‌ని నెగ్గింది. బుధవారం బీహార్ స్పోర్ట్స్‌ యూనివర్సిటీ స్టేడియంలో జరిగిన ఆసియా కప్‌ ఫైనల్‌ మ్యాచ్‌లో టీమిండియా డిఫెండింగ్‌ ఛాంపియన్‌గా బరిలోకి దిగింది. ఫైనల్‌లో భారత్‌కు చైనా గట్టి పోటీ ఇచ్చింది.

మూడో క్వార్టర్స్‌లో దీపికా గోల్‌ చేసి భారత్‌ను ఆధిత్యంలో వెళ్లేలా చేసింది. మూడో క్వార్టర్‌లోనే భారత్‌కు ఆధిక్యాన్ని రెట్టింపు చేసే సువర్ణావకాశం లభించింది. 31వ నిమిషంలో పెనాల్టీ కార్నర్‌లో దీపిక గోల్ చేసి జట్టుకు ఆధిక్యాన్ని అందించింది. నిర్ణీత సమయానికి చైనా జట్టు గోల్‌ చేయకపోవడంతో ఓటమిపాలు కావాల్సి వచ్చింది. టోర్నీ దక్షిణ కొరియా మూడుసార్లు విజేతగా నిలువగా.. టీమిండియా సమం చేసింది.