Asian Games: ఆసియా క్రీడలు.. 41 ఏళ్ల తరువాత ఈక్వెస్ట్రియన్‌లో స్వర్ణం సాధించిన భారత్

Asian Games: 41 ఏళ్ల తర్వాత ఆసియా క్రీడల్లో భారత్ ఈక్వెస్ట్రియన్‌లో బంగారు పతకం సాధించింది.సుదీప్తి హజెలా (చిన్స్కీ – గుర్రం పేరు), హృదయ్ విపుల్ ఛేడా (కెమ్‌క్స్‌ప్రో ఎమరాల్డ్), అనుష్ అగర్వాలా (ఎట్రో), మరియు దివ్యకృతి సింగ్ (అడ్రినాలిన్ ఫిర్‌ఫోడ్)లతో కూడిన భారత బృందం ఈక్వెస్ట్రియన్‌లో డ్రస్సేజ్ ఈవెంట్‌లో భారతదేశానికి మొదటి బంగారు పతకాన్ని సాధించి చరిత్ర సృష్టించింది.

14 కు చేరిన పతకాల సంఖ్య.. (Asian Games)

టీమ్ డ్రస్సేజ్ ఈవెంట్‌లో భారత జట్టు మొత్తం 209.205 స్కోరుతో స్వర్ణం, చైనా 204.882తో రజతం, హాంకాంగ్204.852తో కాంస్యం గెలుచుకున్నాయి.ఆసియా క్రీడల్లో ఈక్వెస్ట్రియన్‌లో భారత్‌కు ఇది నాల్గవ స్వర్ణం .ఈక్వెస్ట్రియన్‌లో భారతదేశం సాధించిన 3 బంగారు పతకాలు 1982 ఢిల్లీలో జరిగిన ఆసియా క్రీడలలో వచ్చాయి.ఈక్వెస్ట్రియన్ డ్రెస్సేజ్ టీమ్ ఈవెంట్‌లో, సాధారణంగా ప్రతి దేశం నుండి ముగ్గురు లేదా నలుగురు రైడర్‌లు పోటీపడతారు, వారి వ్యక్తిగత స్కోర్‌లతో జట్టు మొత్తం స్కోర్‌ను రూపొందించారు. సమిష్టి కృషి మరియు భాగస్వామ్య విజయం అనే సూత్రం దీనిలో ఉంటుంది. ఇది ప్రేక్షకులకు గుర్రాలు మరియు రైడర్‌ల మధ్య అవగాహనను చూపిస్తుంది.ఇవాళ ఆసియా క్రీడల్లో  సెయిలింగ్ లో భారత్  కు మరో 3 పతకాలు  లభించాయి.  దీనితో ఆసియా క్రీడల్లో భారత్ సాధించిన పతకాల సంఖ్య 14కు చేరింది.