Surat chemical factory Fire: గుజరాత్‌లోని సూరత్ లో రసాయన కర్మాగారంలో జరిగిన పేలుడు జరిగి ఏడుగురు కార్మికులు మరణించగా 25 మంది గాయపడ్డారు. ఏడుగురు కార్మికుల మృతదేహాలను గురువారం తెల్లవారుజామున తయారీ కేంద్రం ఆవరణ నుండి స్వాధీనం చేసుకున్నారు, గాయపడిన 25 మంది కార్మికులు ప్రస్తుతం వివిధ ఆసుపత్రుల్లో చికిత్స పొందుతున్నారు.
రసాయనాల లీకేజీతో.. (Surat chemical factory Fire)
సచిన్ ఇండస్ట్రియల్ ఏరియాలో ఉన్న కెమికల్ ఫ్యాక్టరీలో తెల్లవారుజామున 2 గంటలకు మంటలు చెలరేగాయి, పెద్ద ట్యాంక్‌లో నిల్వ ఉంచిన మండే రసాయనాల లీకేజీతో పేలుడు సంభవించింది. పేలుడు జరిగిన సమయంలో కంపెనీలో 150 మంది ఉద్యోగులు పనిచేస్తున్నారు, ప్రమాదంలో సుమారు 25 మంది ఉద్యోగులు గాయపడ్డారు. ఈరోజు ఉదయం మొత్తం ఏడుగురి మృతదేహాలను వెలికితీశారు. ప్రస్తుతం గాయపడిన కార్మికులంతా వివిధ ప్రైవేటు ఆసుపత్రుల్లో చికిత్స పొందుతున్నారు. టెట్రాహైడ్రోఫ్యూరాన్ రసాయనాలను నిల్వ చేయడానికి రూపొందించిన ట్యాంక్‌లో లీకేజీ కారణంగా మంటలు చెలరేగడంతో ఇండస్ట్రియల్ సేఫ్టీ అండ్ హెల్త్‌కు చెందిన బృందం సైట్‌ను సందర్శించింది. ప్రస్తుతం, కంపెనీలో అగ్నిమాపక భద్రతతో సహా అన్ని అంశాలను కవర్ చేస్తూ సమగ్ర విచారణ జరుగుతోంది. అదనంగా, కార్మికుల భద్రతను పరిగణనలోకి తీసుకుని, సంస్థకు మూసివేత నోటీసును జారీ చేసింది. ఈ కెమికల్ కంపెనీ యజమాని అశ్విన్ దేశాయ్ గుజరాత్‌లోని అగ్రశ్రేణి పారిశ్రామికవేత్తలలో ఒకరు.అతని సంపద 1.3 మిలియన్ డాలర్లు.