Indigo Flight: ఇండిగో విమానంలో మహిళా ప్రయాణీకురాలిపై లైంగిక వేధింపులకు పాల్పడిన ప్రయాణీకుడి అరెస్ట్

Indigo Flight: ముంబై-గౌహతి ఇండిగో విమానంలో మహిళా ప్రయాణీకురాలిపై లైంగిక వేధింపులకు పాల్పడిన ప్రయాణీకుడిని అదుపులోకి తీసుకున్నారు. ఆ వ్యక్తిపై ఫస్ట్ ఇన్ఫర్మేషన్ రిపోర్ట్ (ఎఫ్‌ఐఆర్) నమోదు చేసి గౌహతిలో పోలీసులకు అప్పగించినట్లు ఎయిర్‌లైన్స్ తెలిపింది.

నిద్రపోతుండగా తాకి..(Indigo Flight)

ఈ సందర్బంగా బాధిత మహిళ మాట్లాడుతూ తాను క్యాబిన్ లైట్లు డిమ్ చేయడంతో నిద్రపోయానని చెప్పారు. ఆమె నిద్రపోయే ముందు ఆర్మ్‌రెస్ట్‌లను తగ్గించింది, అయితే సహ ప్రయాణికుడు తనను తడుముతున్నట్లు, అనుచితంగా తాకినట్లు ఆమె గుర్తించింది. దీనితో ఆమె అతని చేతిని తీసివేసి అరిచినట్లు చెప్పింది. ఆమె సీట్ లైట్లు ఆన్ చేసి క్యాబిన్ సిబ్బందిని పిలిచింది..మహిళా ప్రయాణికురాలు లైంగిక వేధింపులకు పాల్పడినట్లు ఫిర్యాదు చేయడంతో విమానం వచ్చిన తర్వాత గౌహతిలో మగ ప్రయాణికుడిని పోలీసులకు అప్పగించినట్లు ఇండిగో ఒక ప్రకటన విడుదల చేసింది. ఇండిగో విమానం ఇలా ఉండగా గత రెండు నెలల్లో నమోదైన లైంగిక వేధింపుల కేసుల్లో ఇది నాల్గవ కేసు కావడం గమనార్హం.

ఆదివారం మస్కట్ నుండి చెన్నైకి వెళ్లే విమానంలో 38 ఏళ్ల వ్యక్తి గుండెపోటుతో అనుమానాస్పదంగా మరణించాడు. మృతుడు కె ధనశేఖరన్‌గా గుర్తించబడ్డాడు. అతను శివగంగలోని ఇళయంకుడి నివాసి. మస్కత్‌లో ఉద్యోగం చేస్తున్న ధనశేఖరన్ సెలవుల కోసం ఇంటికి తిరిగి వస్తున్నట్లు తెలిసింది.ధనశేఖరన్ మినహా చెన్నైలో దిగిన తర్వాత ప్రయాణికులందరూ విమానం దిగారు. అతను నిద్రపోయాడని భావించిన సిబ్బంది అతన్ని లేపడానికి ప్రయత్నించారు.  అతను అపస్మారక స్థితిలో ఉండటంతో వెంటనే వారు గ్రౌండ్‌ అధికారులను అప్రమత్తం చేశారు. ఒక వైద్య బృందం ధనశేఖరన్‌ను విమానాశ్రయంలోని అత్యవసర వైద్య కేంద్రానికి తీసుకెళ్లి పరీక్షించింది. అనంతరం అతను చనిపోయినట్లు వైద్యులు ప్రకటించారు.