Kejriwal’s House Renovation:ఢిల్లీ ప్రభుత్వ విజిలెన్స్ డైరెక్టరేట్ లెఫ్టినెంట్ గవర్నర్‌కు సమర్పించిన వాస్తవ నివేదిక ప్రకారం ముఖ్యమంత్రి అరవింద్ కేజ్రీవాల్ అధికారిక నివాసం పునరుద్ధరణకు మొత్తం రూ. 52.71 కోట్లు వెచ్చించినట్లు అధికారిక వర్గాలు గురువారం తెలిపాయి.రూ.52.71 కోట్లలో ఇంటి నిర్మాణానికి రూ.33.49 కోట్లు, ముఖ్యమంత్రి క్యాంపు కార్యాలయానికి రూ.19.22 కోట్లు ఖర్చు చేసినట్లు ప్రజాపనుల శాఖ (పీడబ్ల్యూడీ) రికార్డులను ఉటంకిస్తూ నివేదిక పేర్కొంది.
పాత కట్టడమనే కూల్చివేసారు..( Kejriwal’s House Renovation)
2020 మార్చిలో అప్పటి పీడబ్ల్యూడీ మంత్రి అదనపు వసతి ఏర్పాట్లను ప్రతిపాదించారు. డ్రాయింగ్ రూమ్, రెండు మీటింగ్ రూమ్‌లు మరియు 24 మంది కెపాసిటీ ఉన్న డైనింగ్ రూమ్ ప్రస్తుతం ఉన్న నిర్మాణాన్ని పునర్నిర్మించడం ద్వారా పై అంతస్తును అదనంగా చేర్చారు. అయితే 1942-43లో నిర్మించిన పాత కట్టడమనే కారణంతో ప్రస్తుతం ఉన్న నిర్మాణాన్ని కూల్చివేయాలని పీడబ్ల్యూడీ ప్రతిపాదించిందని నివేదిక పేర్కొంది.ఫ్లాగ్ స్టాఫ్ రోడ్‌లోని బంగ్లా 1942-43లో నిర్మించబడిందని ఇది చాలా పురాతనమైన నిర్మాణం మరియు బలమైన గోడలు ఉన్నందున ఈ సిఫార్సు చేయతగినది కాదని తెలిపింది ప్రస్తుతం ఉన్న గ్రౌండ్ ఫ్లోర్‌ను పునర్నిర్మించడం లేదా అదనపు అంతస్తును సృష్టించడం కోసం అని పిడబ్ల్యుడి నోట్‌ను ఉటంకిస్తూ నివేదిక పేర్కొంది.
ప్రాంగణంలో అదనపు నిర్మాణాలు చేపట్టవచ్చని మరియు ఇప్పటికే ఉన్న బంగ్లాను బారికేడింగ్ ద్వారా వేరు చేయాలని పీడబ్ల్యుడీ సిఫార్సు చేసింది. నిర్మాణం పూర్తయిన తర్వాత, ముఖ్యమంత్రి మరియు అతని కుటుంబం కొత్త బంగ్లాకు మారవచ్చు మరియు ప్రస్తుత బంగ్లాను కూల్చివేయవచ్చు అని నివేదిక పేర్కొంది.అయితే, 1942-43లో నిర్మించిన ప్రస్తుత నిర్మాణం ఉన్నప్పటికీ పీడబ్లుడీ ఇంజనీర్ల సిఫార్సుపై అదే ప్రాంగణంలో కొత్త బంగ్లాను నిర్మించినట్లు ఉంది. అయితే ముఖ్యమంత్రి అధికారిక నివాసం 6, ఫ్లాగ్‌స్టాఫ్‌ రోడ్డుకు ఆనుకుని ఉన్న నిర్మాణాల కూల్చివేతపై ఫైల్‌ను పీడబ్ల్యూడీ అందించలేదు
మరోవైపు భారతీయ జనతా పార్టీ (బిజెపి) గత తొమ్మిదేళ్లుగా కేజ్రీవాల్ ప్రతిష్టను దెబ్బతీసేందుకు చేసిన అన్ని ప్రయత్నాలలో విఫలమైన తర్వాత, ఇప్పుడు ముఖ్యమంత్రి నివాసాన్ని లక్ష్యంగా చేసుకోవడం దురదృష్టకరం అని ఆమ్ ఆద్మీ పార్టీ (ఆప్) ఒక ప్రకటనలో పేర్కొంది.ఏ నేరం జరిగినట్లు నివేదికలో ఏమీ లేదు. ఢిల్లీలో ముఖ్యమంత్రి నివాసం, కార్యాలయ సచివాలయం, ఆడిటోరియం, సిబ్బంది నివాసాలతో కూడిన అధికారిక నివాస సముదాయాన్ని రూపొందించడం ఇదే తొలిసారని చెప్పింది.