MSRTC: 75 ఏళ్లు పైబడిన వారికి ఆర్టీసీలో ఉచితప్రయాణం.. మహారాష్ట్ర సర్కార్ ప్రకటన

MSRTC: మహారాష్ట్ర స్టేట్ రోడ్ ట్రాన్స్‌పోర్ట్ కార్పొరేషన్ ఇటీవల ఆగస్టు 26 నుంచి 75 ఏళ్లు పైబడిన వారు తమ బస్సుల్లో ఉచితంగా ప్రయాణించవచ్చని పేర్కొంది. ఉచిత ప్రయాణానికి వారు తమ టిక్కెట్లను ఆగస్టు 26లోపు బుక్ చేసుకున్నట్లయితే ఛార్జీల వాపసు పొందుతారు, 65 మరియు 75 సంవత్సరాల మధ్య వయస్సు గల వారు ఎంపికచేసిన బస్సుల్లో టిక్కెట్ ఛార్జీలపై 50 శాతం రాయితీని పొందుతారు

ఆధార్ కార్డ్, పాన్ కార్డ్, డ్రైవింగ్ లైసెన్స్, ఓటర్ కార్డ్ వంటి గుర్తింపు పత్రాలను చూపించడం ద్వారా ఉచిత ప్రయాణ సౌకర్యాన్ని పొందవచ్చని ఆ ప్రకటనలో పేర్కొంది. ఈ సదుపాయం ఎంఎస్ఆర్టీసీ యొక్క సిటీ బస్సులకు అందుబాటులో లేదని రాష్ట్ర ప్రయాణాలకు అందుబాటులో ఉంటుందని పేర్కొంది.

రెండు రోజుల క్రితం రాష్ట్ర అసెంబ్లీలో ముఖ్యమంత్రి ఏక్‌నాథ్ షిండే, ఉప ముఖ్యమంత్రి దేవేంద్ర ఫడ్నవీస్ ఈ పధకాన్ని ప్రకటించారు. ఎంఎస్ఆర్టీసీ 16,000 కంటే ఎక్కువ బస్సులను కలిగి ఉంది. కోవిడ్-19 మహమ్మారి ప్రారంభానికి ముందు రోజుకు దాదాపు 65 లక్షల మంది ప్రయాణికులను రవాణా చేసేది.