wife missing Complaint: జమ్మూ కాశ్మీర్ రాజౌరీకి చెందిన మహిళ, పెళ్లి సాకుతో 20 మందికి పైగా పురుషులను మోసం చేసిన కేసు వెలుగులోకి వచ్చింది. 20 మంది పురుషులు తమ భార్యలు తప్పిపోయారంటూ కంప్లైంట్ ఇవ్వడానికి కాశ్మీర్ పోలీసులను సంప్రదించారు. అయితే అక్కడే ట్విస్ట్ ఉంది. వీరు సబ్మిట్ చేసిన ఫోటోలన్నింటిలో ఉన్నది ఒకే మహిళ కావడం విశేషం.
బాధితుల్లో ఒకరు దీనికి సంబంధించి చెప్పిన విషయాలు ఇలా ఉన్నాయి. తన కొడుక్కి కొన్ని శారీరక సమస్యలు ఉన్నందున, పెళ్లిని పరిష్కరించడంలో సహాయం చేయడానికి వారు బ్రోకర్‌కు రూ.2 లక్షలు చెల్లించారని బాధితుడి తండ్రి చెప్పాడు. తరువాత, కుటుంబంతో పాటు కొంతమంది బంధువులు రాజౌరికి చేరుకుని కొన్ని హోటల్ గదులు బుక్ చేసినప్పుడు, మధ్యవర్తి వివాహాన్ని ఆలస్యం చేస్తూనే ఉన్నాడు.కొన్ని రోజుల తర్వాత, అమ్మాయికి యాక్సిడెంట్ అయిందని డబ్బులో సగం తిరిగి ఇచ్చారు. అయితే, కొన్ని గంటల తర్వాత, వారు డబ్బును తిరిగి డిమాండ్ చేశారు మరొక అమ్మాయి ఫోటోగ్రాఫ్‌లను మాకు చూపించారు. మేము పెళ్లికి అంగీకరించినప్పుడు మహిళను తీసుకువచ్చారని అని బాధితుడి తండ్రి అబ్దుల్ అహద్ మీర్ చెప్పారు.
పెళ్లి చేసుకోవడం.. పరారవడం..(wife missing Complaint)
అదే రాత్రి కుటుంబం కాశ్మీర్‌కు తిరిగి వచ్చింది. కొన్ని రోజుల తర్వాత, ఆ మహిళ కొన్ని ఆరోగ్య సమస్యల గురించి ఫిర్యాదు చేసింది. తాను హెల్త్ చెకప్ చేయించుకోవాలనుకుంటున్నట్లు తెలిపింది. ఆమె భర్త ఆమెను ఆసుపత్రికి తీసుకెళ్లాడు. అపాయింట్‌మెంట్ బుక్ చేసుకోవడానికి అతను వెళ్ళినప్పుడు, కొత్త వధువు అక్కడి నుండి అదృశ్యమైంది. సదరు మహిళ కోసం ఐదు లక్షలకు పైగా విలువైన బంగారాన్ని తీసుకున్నామని బాధిత కుటుంబం తెలిపింది.మరో బాధితుడి సోదరుడు మాట్లాడుతూ, రాత్రి సమయంలో మహిళను మధ్యవర్తి తమకు చూపించారని, అదే సమయంలో నికాహ్ నిర్వహించారని చెప్పారు. ఆమె చదూర బుద్గాంలో పది రోజులు మాత్రమే ఇంట్లో ఉంది, అయితే, ఆ తర్వాత ఆమె ఆసుపత్రి నుండి పరారయిందని అతను చెప్పాడు. సెంట్రల్ కాశ్మీర్‌లోని బుద్గామ్‌లో నివసిస్తున్న మరో బాధితుడు మహ్మద్ అల్తాఫ్ మీర్, తనకు కూడా అదే మహిళతో వివాహమైందని చెప్పాడు.బృందంవారి అసలు పేర్లను ఎప్పుడూ వెల్లడించలేదని, ఒక రాత్రి ఇంట్లో ఉన్న వస్తువులతో మహిళ ఇంటి నుండి అదృశ్యమైందని చెప్పాడు.