Indian Railway: 15,000 కోచ్‌లలో రూ. 705 కోట్లతో సీసీటీవీలు.. రైల్వే శాఖ నిర్ణయం

Indian Railway: రైళ్లలో మహిళలు మరియు పిల్లలకు భద్రతను పెంపొందించే చర్యల్లో భాగంగా రైల్వే మంత్రిత్వ శాఖ దాదాపు 15,000 కోచ్‌లలో రూ. 705 కోట్లతో సీసీటీవీలను అమర్చనుంది. ఇందులో రాజధాని, దురంతో మరియు శతాబ్ది వంటి ప్రీమియం రైళ్లు EMU, MEMU మరియు DEMU వంటి ప్యాసింజర్ రైళ్లు ఉంటాయి. ఇప్పటి వరకు 2,930 రైల్వే కోచ్‌లను సీసీటీవీల ద్వారా కవర్ చేసినట్లు గత ఏడాది మంత్రిత్వ శాఖ పార్లమెంటుకు తెలిపింది.

ఈ ఇంటర్నెట్ ప్రోటోకాల్ ఆధారిత సీసీటీవీలు వీడియో అనలిటిక్స్ మరియు ఫేషియల్ రికగ్నిషన్ సిస్టమ్‌లను కూడా కలిగి ఉంటాయి. ఆర్పీఎఫ్ పోస్ట్‌లు, డివిజనల్ మరియు జోనల్ ప్రధాన కార్యాలయాల నుండి రిమోట్ ఆపరేషన్ మరియు కోచ్‌ల పర్యవేక్షణను ప్రారంభిస్తారు. ప్రతి కోచ్‌లో కనీసం రెండు పానిక్ బటన్‌లు ఉంటాయి. వాటిని నొక్కడం ద్వారా సమీపంలోని ఆర్పీఎఫ్ పోస్ట్ లేదా డేటా సెంటర్‌కు హెచ్చరిక జారీ అవుతుంది.

అధిక-రిజల్యూషన్ చిత్రాలను అందించడం ద్వారా సంబంధిత వ్యక్తిని గుర్తించడం కోసం కోచ్‌ల లోపల సీసీటీవీ వ్యవస్థలను రైల్వేలు కోరుతున్నాయి. ముఖ్యంగా రాత్రి సమయంలో క్కువ-కాంతి పరిస్థితుల్లో ముఖ గుర్తింపు అవసరమని తెలిపాయి.షాక్‌లు మరియు వైబ్రేషన్‌లను తట్టుకునేలా కూడా ఈ వ్యవస్థ అనుకూలంగా ఉండాలని రైల్వే తెలిపింది. నేషనల్ క్రైమ్ రికార్డ్స్ బ్యూరో ప్రకారం 2021లో రైల్వే ప్రొటెక్షన్ ఫోర్స్ దాదాపు 4.24 లక్షల కేసులు నమోదు చేసింది.