cheetah Escaped:కునో నేషనల్ పార్క్ నుంచి ఆశా అనే చిరుత బయటకు వెళ్లిపోవడం అటవీ అధికారులను నిరాశకు గురి చేసింది. ఏప్రిల్ 2 న, నమీబియా చిరుతల్లో ఒకటైన ఒబాన్ కునో నేషనల్ పార్క్ నుండి 20 కిలోమీటర్ల దూరంలో ఉన్న మధ్యప్రదేశ్‌లోని షియోపూర్ జిల్లాలోని ఒక గ్రామంలోకి ప్రవేశించింది.ఆశా భాగస్వామి ఒబాన్‌ను తిరిగి ప్రొటెక్టెడ్ జోన్‌లోకి తీసుకురావడానికి అధికారులు నాలుగు రోజులుగా ముమ్మర ప్రయత్నాలు చేస్తున్నారు. ఒబాన్ మరియు ఆషా దంపతులు, ట్రాన్స్‌లోకేషన్ ప్రక్రియ యొక్క చివరి దశగా మార్చి 11న అడవిలోకి విడుదల చేయబడ్డాయి.
నాలుగు కిలోమీటర్ల దూరంలో..(cheetah Escaped)
ఒబాన్ చుట్టుపక్కల గ్రామాల చుట్టూ తిరుగుతూ ఉండగా, ఆశా శివపురి జిల్లా వైపు వెళ్లి ఒక ప్రాదేశిక అటవీ ప్రాంతంలో ఉంది. అధికారుల అంచనా ప్రకారం ప్రస్తుతం ఒబాన్ కునో నేషనల్ పార్క్ కు నాలుగు కిలోమీటర్ల దూరంలో ఉంది. దీనిని పట్టుకుని వెనక్కి రప్పించేందుకు అటవీ అధికారులు చేసిన ప్రయత్నాలు ఫలించలేదు. సోషల్ మీడియాలో దీనికి సంబంధి వీడియోలు వైరల్ అయ్యాయి.
మోడీ ప్రభుత్వం ప్రతిష్టాత్మకంగా చేపట్టిన చిరుతలను తిరిగి ప్రవేశపెట్టే కార్యక్రమం కింద 2022 సెప్టెంబర్ 17న నమీబియా నుండి ఎనిమిది చిరుతలు – ఐదు ఆడ మరియు మూడు మగ చిరుతలు – భారతదేశానికి బదిలీ చేయబడ్డాయి.మగ చిరుతలకు ఫ్రెడ్డీ, ఎల్టన్ మరియు ఒబాన్ అని పేరు పెట్టారు, అయితే ఆడ చిరుతలు సియాయా, ఆషా, టిబిలిసి, సాషా మరియు సవన్నా.గత వారం సాషా అనే చిరుత కిడ్నీ వ్యాధి కారణంగా మరణించింది.
:భారతదేశంలో చిరుతలు అంతరించిపోయిన దాదాపు 70 సంవత్సరాల తర్వాత, మధ్యప్రదేశ్‌లోని కునో నేషనల్ పార్క్‌లో నాలుగు చిరుతపిల్లలు జన్మించాయని ప్రభుత్వం ప్రకటించింది. గత సెప్టెంబరులో భారత్‌కు వచ్చిన నమీబియా చిరుతకు ఈ పిల్లలు పుట్టాయి. అంతరించిపోయిన చిరుత పులుల జనాభాను పునరుద్ధరించాలనే ప్రభుత్వ ఆశయంలో భాగంగా గత ఏడాది సెప్టెంబర్ నెలలో వీటిని నమీబియా నుంచి తీసుకు వచ్చారు. సెప్టెంబర్ 17న ప్రదాని మోదీ జన్మదినం సందర్బంగా వీటిని కునో నేషనల్ పార్క్ లో వదిలిపెట్టారు.