Aadhar-Ration Card Linking: ఆధార్, రేషన్ కార్డుల అనుసంధానం గడువును సెప్టెంబర్ 30 వరకు పొడిగించిన కేంద్ర ప్రభుత్వం.. వాస్తవానికి అసలు గడువు జూన్ 30తో ముగియాల్సి ఉండగా ఇప్పుడు మరో మూడు నెలలు పొడిగించింది. మోసాలను తగ్గించేందుకు ఆధార్‌తో అనుసంధానం చేయడం ద్వారా రేషన్ కార్డుల దుర్వినియోగాన్ని నిరోధించడం ఈ చర్య లక్ష్యం.
అర్హులైన లబ్ధిదారులకే..(Aadhar-Ration Card Linking)
రేషన్ కార్డులతో ఆధార్‌ను లింక్ చేయడం వల్ల అర్హులైన లబ్ధిదారులకు ఆహార ధాన్యాలు అందుతాయి. ఇది నకిలీ రేషన్ కార్డులను తొలగించడంలో సహాయపడుతుంది. లింకింగ్ ప్రక్రియను పూర్తి చేయడానికి, వ్యక్తులు తమ ఆధార్ కార్డ్, రేషన్ కార్డ్ మరియు బయోమెట్రిక్ ధృవీకరణ కోసం అవసరమైన పత్రాలతో సమీపంలోని రేషన్ దుకాణాన్ని సందర్శించవచ్చు. ఆధార్, రేషన్ కార్డులను ఆన్‌లైన్ పోర్టల్ ద్వారా కూడా లింక్ చేయవచ్చు.