TG Assembly : సీఎం రేవంత్‌రెడ్డి ప్ర‌సంగాన్ని బ‌హిష్క‌రించిన బీఆర్ఎస్

TG Assembly : సీఎం రేవంత్‌రెడ్డి ప్రసంగాన్ని బీఆర్‌ఎస్ సభ్యులు బహిష్కరించారు. గవర్నర్‌ ప్రసంగానికి ధన్యావాదాలు తెలిపే తీర్మానంపై ముఖ్యమంత్రి సమాధానం ఇస్తున్న సందర్భంగా బీఆర్‌ఎస్‌ ఎమ్మెల్యేలు సభ నుంచి వాకౌట్‌ చేశారు. బీఆర్‌ఎస్‌ పార్టీ అధినేత కేసీఆర్ చావును కోరుకున్న నాయకుడి ప్రసంగాన్ని తాము బహిష్కరిస్తున్నామని వాకౌట్‌కు ముందు ప్రకటించారు. బీఆర్ఎస్ పార్టీ స్టేచర్‌‌పై నుంచి మార్చురీకే అని వ్యాఖ్యానించడం, తెలంగాణ సాధకుడు, 10 ఏండ్లు రాష్ట్రాన్ని ప్రగతిపథంలో నడిపిన పాలనాధక్షుడు అయిన కేసీఆర్ చావును కోరుకోవడం అంటే.. తెలంగాణకు కీడును కోరుకోవడమే అని బీఆర్‌ఎస్‌ ఎమ్మెల్యేలు ఆగ్రహం వ్యక్తం చేశారు. అందుకు నిరసనగా తాము ముఖ్యమంత్రి ప్రసంగాన్ని బహిష్కరిస్తున్నామని చెప్పారు.