France Minister: ప్లేబాయ్‌ మ్యాగజైన్ క‌వ‌ర్ పేజీపై ఫ్రాన్స్‌ మహిళా మంత్రి ఫోటో

 France Minister: ప్లేబాయ్ మ్యాగజైన్ క‌వ‌ర్ పేజీపై ఫ్రాన్స్ మ‌హిళా మంత్రి ఫోటోను ప్రచురించారు. ఈ ఘ‌ట‌న ప‌ట్ల ఫ్రాన్స్‌లో దుమారం చెల‌రేగుతోంది. మాక్రన్ ప్రభుత్వం ప్రవేశ‌పెట్టిన రిటైర్మెంట్ వయసు 62 నుంచి 64 ఏళ్లకు పెంచడంతో ఫ్రాన్స్‌లో ఉద్యోగులు రోడ్డెక్కి నిరసన తెలియజేస్తున్నారు. తాజాగా మ‌హిళా మంత్రి మ‌ర్లీన్ షియ‌ప్ప చేసిన నిర్వాకం అక్కడ ప్రతిప‌క్షాల్ని మ‌రింత ఆగ్రహం తెప్పించింది. 40 ఏళ్ల ఫెమినిస్టు మంత్రి అయిన మ‌ర్లీన్‌.. మాక్రన్ ప్రభుత్వంలో 2017 నుంచి మంత్రిగా చేస్తున్నారు. అయితే ప్లేబాయ్ ప‌త్రికపై ఆ మంత్రి ఫోటో ప్రచుర‌ణ కావ‌డంతో అక్కడి అతివాదులు ఆగ్రహం వ్యక్తం చేస్తున్నారు.

12 పేజీల ఇంటర్వ్యూ ఇచ్చిన షియప్ప..( France Minister)

ప్లేబాయ్ ప‌త్రిక క‌వ‌ర్‌పేజీపై సోషల్ ఎకానమీ మరియు ఫ్రెంచ్ అసోసియేషన్ల మంత్రిగా ఉన్న షియప్ప తెల్లటి దుస్తులు ధరించి ఫోటోతో పాటు 12 పేజీల ఇంట‌ర్వ్యూ కూడా ఇచ్చారు. మ‌హిళా, గే, అబార్షన్ హ‌క్కుల గురించి ఆ ఇంట‌ర్వ్యూలో ఆమె మాట్లాడారు. ఆడ‌వాళ్లు త‌మ శ‌రీరాల‌తో ఏమైనా చేయ‌వ‌చ్చు అన్న హ‌క్కుల్ని డిఫెండ్ చేస్తున్నట్లు ఆమె చెప్పారు. ఫ్రాన్స్‌లో మ‌హిళలు స్వేచ్ఛగా ఉంటార‌ని, ఆ ప‌ద్ధతి ఎవ‌ర్ని ఇబ్బందిపెట్టినా ఇక్కడ అదే శైలి ఉంటుంద‌ని ఆమె త‌న ట్విట్ట‌ర్‌లో ప్రస్తావించారు.దీనిపై గ్రీన్ ఎంపీ సాండ్రిన్ రూసో మాట్లాడుతూ ఫ్రెంచ్ ప్రజలకు గౌరవం ఎక్కడ ఉంది? అంటూ ప్రశ్నించారు. ఇంకా రెండేళ్ళు పని చేయాల్సిన వారు, ప్రదర్శనలు చేసేవారు, జీతాలు రోజురోజులు కోల్పోతున్న వారు, ద్రవ్యోల్బణం కారణంగా తినలేని వారు దానితో సమస్య ఉంది. కానీ ఒక సామాజిక సందర్భం ఉందని ఆమె అన్నారు.

 షియ‌ప్ప  ప్రవ‌ర్తన స‌రికాదు..

మరోవైపు ప్లేబాయ్ ఇది ‘సాఫ్ట్ పోర్న్ మ్యాగజైన్’ కాదని పేర్కొంది.షియప్ప ప్రభుత్వ మంత్రులలో “అత్యంత ‘ప్లేబాయ్ అనుకూలంగా ఉంటారు.ఎందుకంటే ఆమె మహిళల హక్కులతో ముడిపడి ఉంటారు. స్త్రీవాద కారణానికి ఇది ఒక పరికరం కావచ్చని ఆమె అర్థం చేసుకుందని సంపాదకుడు జీన్-క్రిస్టోఫ్ ఫ్లోరెంటిన్ చెప్పారు.ఇది 300 పేజీల త్రైమాసిక ‘మూక్’ (పుస్తకం మరియు మ్యాగజైన్ మిశ్రమం) మేధోపరమైన మరియు ట్రెండ్‌లో ఉంది,” అని ఫ్లోరెన్టిన్ అన్నారు. ఒక‌వైపు ప్రభుత్వానికి వ్యతిరేకంగా ఆందోళ‌న‌లు జ‌రుగుతున్న స‌మ‌యంలో.. మంత్రి మ‌ర్లీన్ ఫోటో స్టంట్‌పై స్వంత పార్టీలోనే వ్యతిరేక‌త వ్యక్తమవుతోంది. మ‌హిళా ప్రధాని ఎలిజ‌బెత్ బోర్న్ మంత్రి మ‌ర్లీన్ వైఖ‌రిని త‌ప్పుప‌ట్టారు. షియ‌ప్ప  ప్రవ‌ర్తన స‌రైన‌రీతిలో లేదని ఆమె కూడా అన్నారు.