Buddha Boy: లైంగిక వేధింపులు, కిడ్నాప్ ఆరోపణలపై ‘బుద్ధ బాయ్’ను అరెస్ట్ చేసిన నేపాల్ పోలీసులు

Buddha Boy: నేపాల్ పోలీసులు లైంగిక వేధింపులు, కిడ్నాప్ ఆరోపణలపై ‘బుద్ధ బాయ్’గా ప్రసిద్ధి చెందిన వివాదాస్పద ఆధ్యాత్మిక నాయకుడు రామ్ బహదూర్ బొమ్‌జన్‌ను అరెస్టు చేశారు. 2020లో అతనిపై అరెస్ట్ వారెంట్ జారీ అయిన తర్వాత బొమ్‌జన్‌ను మైనర్‌పై లైంగిక దోపిడీ కేసులో పరారీలో ఉన్నప్పుడు అరెస్టు చేసినట్లు పోలీసులు బుధవారం తెలిపారు.

పోలీసులు అతని ఇంటిలో డజనుకు పైగా మొబైల్ ఫోన్లు, ఐదు ల్యాప్‌టాప్‌లు మరియు టాబ్లెట్లు మరియు నేపాలీ మరియు విదేశీ కరెన్సీలలో $200,000ను స్వాధీనం చేసుకున్నారు.అతను తప్పించుకునే ప్రయత్నంలో తన ఇంటి నాలుగో అంతస్తు నుండి దూకాడని చెప్పారు. అతని శిష్యులపై లైంగిక వేధింపులతోపాటు వివిధ ఆరోపణలపై పోలీసులు గత కొన్నేళ్లుగా అతని కోసం వెతుకుతున్నారు. నలుగురు శిష్యుల అదృశ్యానికి సంబంధించిన కేసులో కూడా అతను వాంటెడ్.

బొమ్‌జన్‌ పై పలు కేసులు..(Buddha Boy)

బొమ్‌జన్‌, అతని నలుగురు శిష్యుల అదృశ్యంపై దర్యాప్తు చేయడానికి 2019లో పోలీసులు అతని ఆశ్రమంపై దాడి చేశారు. మరుసటి సంవత్సరం, సర్లాహిలోని జిల్లా కోర్టులో నాయకుడిపై లైంగిక దోపిడీ కేసు నమోదయింది. సర్లాహిలోని పత్తార్‌కోట్‌లోని తన ఆశ్రమంలో ఉంటున్న 15 ఏళ్ల బాలికపై బొమ్‌జన్ అత్యాచారం చేశాడని కేసు నమోదయింది. 2016 ఆగస్టు 4వ తేదీ రాత్రి 9.20 గంటలకు మైనర్‌ను తన ప్రైవేట్ క్వార్టర్‌కు రప్పించి అత్యాచారం చేశాడని ఛార్జిషీట్‌లో పేర్కొన్నారు. ఈ ఘటనను ఇతరులకు చెబితే తీవ్ర పరిణామాలుంటాయని బాలికను బెదిరించాడు. సెప్టెంబర్ 2018లో తన ఆశ్రమంలో తనపై అత్యాచారం చేశాడని 18 ఏళ్ల సన్యాసిని బహిరంగంగా ఆరోపించింది.బొమ్‌జన్‌ ఆశ్రమం నుంచి వివిధ సమయాల్లో అదృశ్యమైన అనుచరులకు సంబంధించి తదుపరి విచారణలు మరియు సోదాలు జరుగుతున్నాయని పోలీసులు బుధవారం తెలిపారు.2005లో 15 ఏళ్ల వయసులో 10 నెలల పాటు ప్రార్థన చేసేందుకు అడవిలోకి వెళ్లినప్పుడు బొమ్‌జన్ అంతర్జాతీయ ఖ్యాతిని పొందాడు. తిండి, నిద్ర, నీరు లేకుండా అలా చేశాడని అతని అనుచరులు ఒకసారి పేర్కొన్నారు. వారిలో కొందరు 2,500 సంవత్సరాల క్రితం నేపాల్‌లో జన్మించిన సిద్ధార్థ గౌతముని పునర్జన్మగా నమ్మారు.

అతని ధ్యానం సమయంలో నేపాల్ మరియు పొరుగున ఉన్న భారతదేశం నుండి వేలాది మంది ప్రజలు అతనిని చూడటానికి రావడంతో బుడ్డా బాయ్ అని పిలిచేవారు. అతను ప్రార్థన నుండి బయటపడిన తరువాత అతని అనుచరులు బారా, సర్లాహి, సింధుపాల్‌చోక్ మరియు సింధులి జిల్లాలలో ఆశ్రమాలను స్థాపించారు.