Donald Trump ready to do any help on Ahmedabad Plane Crash: అహ్మదాబాద్ ఎయిర్ ఇండియా విమాన ప్రమాదంపై అమెరికా అధ్యక్షుడు డొనాల్డ్ ట్రంప్ స్పందించారు. ఈ విమాన క్రాస్ ఒక భయంకరమైన ప్రమాదం అని పేర్కొన్నారు. ఈ సమయంలో భారత్‌కు ఎలాంటి సాయమైనా చేసేందుకు సిద్ధంగా ఉన్నట్లు వెల్లడించారు. గురువారం మధ్యాహ్నం అహ్మదాబాద్‌లో కూలిన బోయింగ్ ఎయిర్ ఇండియా విమానం ప్రమాద సమయంలో 230 మంది ప్రయాణికులు, 12 మంది సిబ్బంది ఉన్నారు.
అయితే ఈ ప్రమాదంలో 241 మంది చనిపోగా.. ఒకరు మృత్యుంజయుడిగా బయటపడ్డాడు. ఈ మృతదేహాలకు ప్రస్తుతం డీఎన్ఏ టెస్టులు నిర్వహిస్తున్నారు. ఈ విమానం నేరుగా ఓ మెడికల్ కాలేజీపై కూలడంతో అక్కడ ఉంటున్న 22 మంది వైద్యులు చనిపోయారు.
‘భారత్ చాలా పెద్ద, బలమైన దేశం. ఈ పరిస్థితిని భారత్ సమర్థవంతంగా ఎదుర్కోగలదు. భారత్‌కు ఎలాంటి సహాయం చేయడనికైనా సిద్ధంగా ఉన్నాం. ఇది చాలా పెద్ద ప్రమాదం. ఈ క్రాష్ ఎలా జరిగిందో తెలియడం లేదు. నేను నా ఆలోచనలు చెప్పిన. విమానం మంచిగానే ఎగురుతున్నట్లు కనిపించింది. అయితే ఇంతలోనే ఘోర ప్రమాదం జరగడం విచారకరం. ఇలాంటి క్రాష్ జరుగుతుందని ఊహించలేదు.’ అని అహ్మదాబాద్ ఎయిరిండియా ప్రమాదంపై ట్రంప్ అభివర్ణించారు.