Toshakhana case: పాకిస్థాన్ మాజీ ప్రధాని ఇమ్రాన్ ఖాన్ కు బిగ్ రిలీఫ్ .. తోషా ఖానా కేసును కొట్టేసిన ఇస్లామాబాద్ హైకోర్టు

Toshakhana case:  పాకిస్థాన్ మాజీ ప్రధాని, పాకిస్థాన్ తెహ్రీక్-ఏ-ఇన్సాఫ్ (పీటీఐ) ఛైర్మన్ ఇమ్రాన్ ఖాన్‌పై నమోదైన తోషాఖానా కేసును ఇస్లామాబాద్ హైకోర్టు (ఐహెచ్‌సి) మంగళవారం “అమోదయోగ్యం కాదు” అని ప్రకటించింది. ఇస్లామాబాద్‌ హైకోర్టు చీఫ్‌ జస్టిస్‌ అమర్‌ ఫరూక్‌ తీర్పు ఇమ్రాన్‌ ఖాన్‌కు ఊరటనిచ్చింది.

అంతకుముందు, ప్రధాన న్యాయమూర్తి జూన్ 23న తీర్పును రిజర్వ్ చేశారని, ఈద్ ఉల్ అధా తర్వాత ఈ అంశాన్ని పరిశీలిస్తామని తెలిపారు. మే 10న, పాకిస్తాన్ తెహ్రీక్-ఇ-ఇన్సాఫ్ (పిటిఐ) ఛైర్మన్‌ ఇమ్రాన్ ఖాన్ పై తోషాఖానా కేసులో అడిషనల్ సెషన్స్ జడ్జి హుమాయున్ దిలావర్ అభియోగాలు మోపారు. విదేశీ అధికారుల నుండి ప్రభుత్వ అధికారులకు అందజేసిన బహుమతులను భద్రపరిచే డిపాజిటరీ నుండి తాను ఉంచుకున్న బహుమతుల వివరాలను”ఉద్దేశపూర్వకంగా దాచిపెట్టాడు అనే ఆరోపణలకు సంబంధించిన కేసు ఇది.

తోషాఖానా అంటే ..(Toshakhana case)

ఇమ్రాన్ ఖాన్ తాను ప్రధానిగా ఉన్నపుడు అందుకున్న బహుమతులను తోషాఖానా అనే స్టేట్ డిపాజిటరీలో ఉంచకుండా అమ్ముకున్నాడనేది ప్రధాన అభియోగం.తోషాఖానా అనేది క్యాబినెట్ డివిజన్ యొక్క పరిపాలనా నియంత్రణలో ఉన్న ఒక విభాగం. ఇతర ప్రభుత్వాలు మరియు రాష్ట్రాల అధిపతులు మరియు విదేశీ ప్రముఖులు పాలకులు, పార్లమెంటేరియన్లు, బ్యూరోక్రాట్‌లు మరియు అధికారులకు ఇచ్చే విలువైన బహుమతులను నిల్వ చేస్తుంది.ఇస్లామాబాద్ హైకోర్టు ఇచ్చిన తీర్పు విజయం అని పిటిఐ చీఫ్ లాయర్ గోహర్ ఖాన్ అన్నారు.