International Energy Association (IEA): ఉక్రెయిన్‌ పై రష్యా దాడి మరియు కోవిడ్-19 మహమ్మారి కారణంగా ప్రపంచం నిజమైన ప్రపంచ ఇంధన సంక్షోభం” మధ్యలో ఉందని ఇంటర్నేషనల్ ఎనర్జీ అసోసియేషన్ (IEA) హెచ్చరించింది. దీని వలన సుమారు 70 మిలియన్ల మంది ప్రజలు విద్యుత్ ను కోల్పోవచ్చని ఇది ముఖ్యంగా అభివృద్ధి చెందుతున్న దేశాలలో జరగుతుందని తెలిపింది.
ఈ రోజు, ప్రపంచం మొదటి నిజమైన ప్రపంచ ఇంధన సంక్షోభం మధ్యలో ఉంది. రాబోయే సంవత్సరాల్లో దాని ప్రభావం ఉంటుంది. ఫిబ్రవరిలో ఉక్రెయిన్‌పై రష్యా అనూహ్య దండయాత్ర ప్రపంచ ఇంధన వ్యవస్థ పై సుదూర ప్రభావాలను చూపింది, సరఫరా మరియు డిమాండ్ విధానాలకు అంతరాయం కలిగించింది. దీర్ఘకాల వాణిజ్య సంబంధాలను విచ్ఛిన్నం చేసింది. సంక్షోభం అన్ని దేశాలను ప్రభావితం చేస్తోంది. అయితే దాని ప్రభావం గురించి మేము ప్రత్యేకంగా ఆందోళన చెందుతున్నాము అని ఐఈఎ ఎగ్జిక్యూటివ్ డైరెక్టర్ ఫాతిహ్ బిరోల్ అన్నారు.
100 మిలియన్ల మంది ప్రజలు ఇకపై స్వచ్ఛమైన ఇంధనాలతో వంట చేయలేరు. అనారోగ్య మరియు అసురక్షిత స్థితికి తిరిగి వస్తారు, అంటే ఇది ప్రపంచ విషాదం అని బిరోల్ అన్నారు. ఆర్థిక స్థోమత కారణంగా విద్యుత్తును కోల్పోతున్న వారి సంఖ్య వాస్తవానికి 70 మిలియన్లకు బదులుగా 75 మిలియన్లుగా ఉంటుందని నివేదిక పేర్కొంది. పేద కుటుంబాలు స్వచ్ఛమైన ఇంధన పెట్టుబడులకు (సమర్థత మరియు విద్యుదీకరణ వంటి) అధిక ముందస్తు ఖర్చులను ఎదుర్కోవటానికి విధానపరమైన జోక్యాలు అవసరమని ఐఈఎ అన్ని దేశాలకు విజ్ఞప్తి చేసింది. దీన్ని చేయకపోతే, అవి సామాజికంగా విభజించే ప్రమాదం ఉందని హెచ్చరించింది.