Civils Prelims 2023: యూనియన్ పబ్లిక్ సర్వీస్ కమిషన్ ఈ ఏడాది నిర్వహించిన సివిల్ సర్వీసెస్‌ ప్రిలిమ్స్‌ 2023 పరీక్ష ఫలితాలు సోమవారం విడుదలయ్యాయి. అభ్యర్థులు తమ ఫలితాలను upsc.gov.in వెబ్‌సైట్‌లో తెలుసుకోవచ్చు.
14 వేల మంది ఉత్తీర్ణత(Civils Prelims 2023)
అఖిల భారత సర్వీసుల్లో అధికారులను భర్తీ చేసేందుకు ఈ ఏడాది మే 28 న సివిల్స్‌ ప్రిలిమ్స్‌ పరీక్షను నిర్వహించింది యూపీఎస్సీ. ఇందులో మొత్తం 14,624 మంది ఉత్తీర్ణత సాధించారు. ఉత్తీర్ణత సాధించిన వాళ్లు ఈ ఏడాది సెప్టెంబరు 15 న జరిగే మెయిన్స్‌ పరీక్షకు హాజరు అయ్యేందుకు అర్హత సాధించారు.
ప్రిలిమ్స్‌లో ఉత్తీర్ణత సాధించిన అభ్యర్థులు మెయిన్స్‌ పరీక్ష కోసం ఇప్పుడు మళ్లీ డిటైల్డ్‌ అప్లికేషన్‌ ఫామ్‌ 1 (DAF-I)లో దరఖాస్తు చేసుకోవాలని యూపీఎస్పీ వెల్లడించింది. దరఖాస్తుకు చివరి తేదీని యూనియన్ త్వరలోనే వెల్లడించనుంది. సివిల్స్‌ సర్వీసెస్‌ పరీక్ష మొత్తం ప్రక్రియ పూర్తి అయిన తర్వాత ప్రిలిమ్స్‌ కటాఫ్‌, ఆన్సర్‌ కీని ప్రకటించనున్నట్టు యూపీఎస్సీ వెల్లడించింది.