Actress Rape : భోజ్ పురి చిత్ర పరిశ్రమలో దారుణ ఘటన ఆలస్యంగా వెలుగు లోకి వచ్చింది. హర్యానా లోని గురుగ్రామ్‌లో భోజ్‌పురి నటికి ఇంటర్వ్యూ అని.. సినిమాలో పాత్ర ఇప్పిస్తానని చెప్పి ఆమెపై అత్యాచారం చేసిన దారుణం ఇప్పుడు బయట పడింది. ఈ విషయంలో పోలీసులు తెలిపిన వివరాల ప్రకారం.. భోజ్ పురిలో ఇప్పుడిప్పుడే నటిగా ఎదుగుతున్న ఓ నటికి ఇన్స్టాగ్రామ్ ద్వారా మహేష్ పాండే అనే వ్యక్తి పరిచయమయ్యాడు. తాను ఒక యూట్యూబ్ ఛానల్ నడుపుతున్నానని.. ఇంటర్వ్యూ చేసి ఫేమస్ చేయిస్తాను అని చెప్పి నమ్మబలికాడు.
అంతే కాకుండా తనకు అవకాశాలు కూడా ఇప్పిస్తానని చెప్పడంతో.. అతడి మాటలు నమ్మిన ఆ యువతి జూన్ 29న ఉద్యోగ్ విహార్ ప్రాంతంలోని ఓ హోటల్‌కు వెళ్ళింది. అయితే అక్కడ మహేష్ పాండే అప్పటికే మద్యం సేవిస్తూ ఉన్నాడు. ఇంటర్వ్యూ మొదలుపెడతానని చెప్పి.. ఆమెతో కొద్దిసేపు మాటలు కలిపాడు. అనంతరం ఆమెను బెడ్ పైకి నెట్టి అత్యాచారం చేయడానికి ప్రయత్నించాడు. ఇక అతని ప్రవర్తనతో షాక్ అయిన సదరు యువతి.. తప్పించుకునేందుకు యత్నించింది.
కానీ మహేష్ పడుకోవడానికి ఒప్పుకోకపోతే.. బీర్ బాటిల్ ను ప్రైవేట్ పార్ట్ లోకి దింపి హత్యచేస్తానని బెదిరించి.. ఆమెపై అత్యాచారం చేశాడు. ఆనంతరం ఆమెను గదిలో బంధించి పరారయ్యాడు. ఆ షాక్ నుంచి బయటపడిన నటి.. జూలై 19 న పోలీసులకు ఫిర్యాదు చేసింది. ఆమె ఫిర్యాదు మేరకు పోలీసులు కేసు నమోదు చేసి.. నిందితుడు కోసం గాలింపు చర్యలు చేపట్టారు.