Bengaluru: బీజేపీ ఎమ్మెల్యే పేరు సూసైడ్ నోట్ లో రాసి మరీ బెంగళూరు వ్యక్తి ఆత్మహత్య.. ఎందుకంటే..?

Bengaluru: బెంగళూరులో  47 ఏళ్ల వ్యాపారవేత్త ఆదివారం ఇక్కడ తన కారులో తలపై కాల్చుకుని ఆత్మహత్య చేసుకున్నాడు. పోలీసులు తెలిపిన వివరాల ప్రకారం, వైట్‌ఫీల్డ్ నివాసి ప్రదీప్ ఎస్ ఆంగ్లంలో ఎనిమిది పేజీల సూసైడ్ నోట్‌ని వదిలిపెట్టి బీజేపీ ఎమ్మెల్యే అరవింద్ లింబావలితో సహా ఆరుగురిని బాధ్యులుగా పేర్కొన్నాడు.

2018లో ప్రదీప్ ఓపస్ క్లబ్‌లో రూ. 1.5 కోట్లు పెట్టుబడి పెట్టాడు. అతనికి ప్రతి నెలా రూ. 3 లక్షల లాభం మరియు రూ. 1.5 లక్షల జీతం ఇస్తానని హామీ ఇచ్చారు. చాలా కాలంగా తనకు ఏమీ ఇవ్వలేదని పేర్కొన్నారు. అయితే డబ్బులు తీసుకున్న తర్వాత గోపి, సోమయ్య అనే ఇద్దరు వ్యక్తులు కొన్ని నెలలుగా ప్రదీప్‌కు డబ్బులు ఇవ్వడానికి నిరాకరించారు. వడ్డీ చెల్లించేందుకు ప్రదీప్ పలుమార్లు అప్పులు చేయాల్సి వచ్చింది. వాటిని చెల్లించేందుకు తన ఇల్లు, వ్యవసాయ భూమిని కూడా విక్రయించాల్సి వచ్చిందని నోట్‌లో అతడు పేర్కొన్నాడు. డబ్బులు ఇవ్వాలని ప్రదీప్ మిగితా సభ్యులకు ఎన్ని సార్లు విన్నవించినప్పటికీ వారు తిరిగి డబ్బును ఇవ్వలేదు. ప్రదీప్ ఈ విషయాన్ని బీజేపీ ఎమ్మెల్యే అరవింద్ లింబావలి దృష్టికి తీసుకెళ్లారు. ఆ ఎమ్మెల్యే ఇద్దరితో మాట్లాడాడని, అయితే వారు కేవలం 90 లక్షలే ఇస్తామని చెప్పినట్టు సూసైడ్ నోట్ తెలిపింది.బీజేపీ ఎమ్మెల్యే అరవింద్ లింబావలీ తనకు వ్యతిరేకంగా, డబ్బులు ఇవ్వని వ్యక్తులకు మద్దతిస్తున్నారని ప్రదీప్ అందులో ఆరోపించారు. ఈ ఆత్మహత్యకు ఎమ్మెల్యేతో పాటు మరో ఆరుగురు వ్యక్తులు కూడా కారణమని అందులో పేర్కొన్నాడు.

దీనిపై ఎమ్మెల్యే లింబావలి స్పందించారు. సూసైడ్ నోట్‌లో నా పేరు ఉందని నేను తెలుసుకున్నాను. అతను (ప్రదీప్) 2010 మరియు 2013 మధ్య నా సోషల్ మీడియాను హ్యాండిల్ చేసేవాడు. అతను తన వ్యాపార వివాదాన్ని నా దృష్టికి తెచ్చాడు. నేను అతనిని మరియు అతని భాగస్వాములను సామరస్యంగా పరిష్కరించమని కోరాను. అతను ఎంత పెట్టుబడి పెట్టాడు అని నేను అడగలేదు లేదా భాగస్వాములు ఎంత చెల్లించాలి అనే దాని గురించి వారికి ఎటువంటి సూచన చేయలేదు. తరువాత, అతను (ప్రదీప్) వచ్చి నాకు ధన్యవాదాలు చెప్పాడు. అతను ఎందుకు ఆత్మహత్య చేసుకున్నాడో, నోట్‌లో నా పేరు ఎందుకు పెట్టారో నాకు తెలియదని అన్నారు.