Windfall Tax: డీజిల్, ఎటిఎఫ్, క్రూడ్ ఆయిల్ పై విండ్ ఫాల్ ట్యాక్స్ పెంపు

New Delhi: ప్రభుత్వం డీజిల్ ఎగుమతిపై విండ్ ఫాల్ ప్రాఫిట్ ట్యాక్స్ ను లీటరుకు రూ.7 నుంచి రూ.13.5కి పెంచింది. ఏవియేషన్ టర్బైన్ ఫ్యూయల్ (ఎటిఎఫ్) ఎగుమతులపై పన్ను కూడా సెప్టెంబర్ 1 నుండి అమలులోకి వచ్చేలా లీటరుకు 2 రూపాయల నుండి 9 రూపాయలకు పెంచబడింది. అలాగే దేశీయంగా ఉత్పత్తి అయ్యే ముడి చమురు పై కూడా పన్ను టన్నుకు రూ.13,000 నుంచి రూ.13,300కి పెరిగింది.

భారతదేశం మొదట జూలై 1న విండ్‌ఫాల్ ప్రాఫిట్ ట్యాక్స్‌లను విధించింది. పెట్రోల్ మరియు ఎటిఎఫ్ పై లీటరుకు రూ. 6 (బ్యారెల్‌కు USD 12) ఎగుమతి సుంకాలు మరియు డీజిల్ ఎగుమతి పై రూ. 13 లీటర్ పన్ను విధించబడ్డాయి. దేశీయ ముడి చమురు ఉత్పత్తిపై టన్నుకు రూ.23,250 విండ్‌ఫాల్ ప్రాఫిట్ ట్యాక్స్ కూడా విధించబడింది.

ఆ తర్వాత, జూలై 20న జరిగిన మొదటి పక్షంవారీ సమీక్షలో, పెట్రోల్‌ పై లీటర్‌కు రూ.6 ఎగుమతి సుంకం రద్దు చేయబడింది. డీజిల్ మరియు జెట్ ఇంధనం (ఎటిఎఫ్) ఎగుమతిపై పన్ను లీటరుకు రూ. 2 తగ్గించారు. దేశీయంగా ఉత్పత్తి చేసే క్రూడ్‌ పై కూడా పన్నును టన్నుకు రూ.17,000కు తగ్గించారు. ఆగస్టు 2న, డీజిల్‌పై ఎగుమతి పన్ను లీటరుకు రూ. 5కి తగ్గించబడింది.