Uttar Pradesh: ఉత్తరప్రదేశ్‌లోని సంభాల్ జిల్లాలోవరుడు తనను వేదికపై ముద్దుపెట్టుకోవడంతో ఒక మహిళ తన పెళ్లిని రద్దు చేసుకుంది . మంగళవారం రాత్రి దాదాపు 300 మంది అతిథుల సమక్షంలో దండలు మార్చుకునే కార్యక్రమం ముగిసింది. ఈ సందర్బంగా వరుడు వధువును ముద్దుపెట్టుకోగానే ఆమె వెంటనే వేదికపై నుండి దిగి, వరుడిపై పోలీసులకు ఫిర్యాదు చేసింది.
ఇలా ముద్దుపెట్టుకోవడాన్ని తాను ‘షాక్ మరియు అవమానంగా’ భావించానని ఆమె చెప్పింది. వరుడు తన స్నేహితులతో కలిసి బెట్టింగ్‌లో గెలవాలనుకుంటున్నాడని ఆమె పేర్కొంది. అతను నా ఆత్మగౌరవం గురించి పట్టించుకోలేదు మరియు చాలా మంది అతిథుల ముందు చెడుగా ప్రవర్తించాడు. అతను భవిష్యత్తులో ఎలా ప్రవర్తిస్తాడో? నేను అతనితో వెళ్లకూడదని నిర్ణయించుకున్నాను అని ఆమె చెప్పింది.
నవంబర్ 28న ఉత్తరప్రదేశ్ ప్రభుత్వం నిర్వహించిన సామూహిక వివాహ వేడుకలో ఈ జంట వివాహం చేసుకున్నారు. ఈ వేడుక సంభాల్ జిల్లాలోని పువాసా గ్రామంలో జరిగింది.ఇప్పుడు, రెండు వైపులా విడిపోవడానికి ఒప్పందం కుదుర్చుకున్నప్పటికీ, వివాహ రిజిస్ట్రేషన్ సులభంగా రద్దు చేయబడదు. ఇద్దరూ తమ వివాహాన్ని చట్టబద్ధంగా రద్దు చేసుకోవడానికి కోర్టును ఆశ్రయించవలసి ఉంటుంది.