Best Gaming Smartphones: స్మార్ట్‌ఫోన్ గేమింగ్ ఇటీవలి కాలంలో బాగా ప్రాచుర్యం పొందింది. దీని కారణంగా గేమింగ్ ఫోన్‌లకు డిమాండ్ పెరుగుతోంది. ముఖ్యంగా బడ్జెట్ విభాగంలో మరింత శక్తివంతమైన ఫోన్‌లు వస్తున్నాయి. అయితే దాదాపు ప్రతి బ్రాండ్ గొప్ప పనితీరును క్లెయిమ్ చేసే ఫోన్లను విడుదల చేస్తుంది. అందుకే సరైన ఫోన్ కనుగొనడం చాలా కష్టమైన పనిగా మారింది. ఈ క్రమంలో Poco, Vivo, Infinix బ్రాండ్ల నుంచి మార్కెట్లో ఉన్న పవర్ ఫుల్ గేమింగ్ ఫోన్ల గురించి తెలుసుకుందాం.
Infinix GT 20 Pro
Infinix GT 20 Pro అనేది 6.78-అంగుళాల ఫుల్ HD+ LTPS AMOLED డిస్‌ప్లేను కలిగి ఉన్న చాలా శక్తివంతమైన ఫోన్. దీని పీక్ బ్రైట్నెస్ 1300 నిట్స్, రిఫ్రెష్ రేట్ 144Hz. ఫోన్‌లో మెడిటెక్ డైమన్సిటీ 8200 అల్టిమేట్ చిప్‌సెట్ అందించారు. ఇది అద్భుతమైన గ్రాఫిక్స్ పనితీరు కోసం Mali G610-MC6 చిప్‌సెట్‌తో రన్ అవుతుంది.
స్మార్ట్‌ఫోన్‌లో ప్రత్యేకమైన గేమింగ్ డిస్‌ప్లే చిప్, పిక్సెల్‌వర్క్స్ X5 టర్బో ఉంది, ఇది GPU పనితీరును, రిజల్యూషన్‌ను పెంచుతుంది. అలానే 45W అడాప్టర్‌తో ఫాస్ట్ ఛార్జింగ్‌కు సపోర్ట్ ఇచ్చే 5,000mAh బ్యాటరీని ప్యాక్ చేస్తుంది. రిపబ్లిక్ డే సేల్‌లో ఈ ఫోన్ రూ.9 వేల తగ్గింపు తర్వాత రూ.22,999కే అందుబాటులో ఉంది.
Poco X7 Pro
Poco X7 Pro 5G కార్నింగ్ గొరిల్లా గ్లాస్ 7iతో 6.73-అంగుళాల AMOLED ఫ్లాట్ డిస్‌ప్లేను కలిగి ఉంది. స్క్రీన్ 1.5K రిజల్యూషన్, 3200 నిట్స్ పీక్ బ్రైట్నెస్, 120Hz రిఫ్రెష్ రేట్‌కి సపోర్ట్ ఇస్తుంది. గేమింగ్ కోసం 2560Hz రేట్‌తో 240Hz టచ్ శాంప్లింగ్ రేట్‌ను కలిగి ఉంది. మెడిటెక్ డైమెన్సిటీ 8400 అల్ట్రా ప్రాసెసర్‌తో రన్ అవుతుంది. ఇది మాత్రమే కాదు, ఫోన్ LPDDR5X మెమరీ, UFS 4.0 స్టోరేజ్‌తో వస్తుంది.
ఫోన్‌లో సాలిడ్ ఎలక్ట్రోలైట్ టెక్నాలజీని ఉపయోగించి 6550mAh సిలికాన్-కార్బన్ బ్యాటరీ ఉంది. ఇది 90W హైపర్‌ఛార్జ్‌కు సపోర్ట్ ఇస్తుంది. దాదాపు 47 నిమిషాల్లోనే ఫుల్త ఛార్జ్ చేయచ్చు. ప్రస్తుతం ఈ ఫోన్ కేవలం రూ. 27,999కి మాత్రమే అందుబాటులో ఉంది. అదనంగా బ్యాంక్ క్రెడిట్, డెబిట్ కార్డ్ డిస్కౌంట్‌తో రూ. 2,000 తగ్గింపు పొందవచ్చు. దీని ధర రూ. 25,000 కంటే తక్కువగా ఉంటుంది. .
Vivo T3 Pro
ఈ వివో ఫోన్ 6.77-అంగుళాల ఫుల్ HD+ 3D కర్వ్డ్ AMOLED డిస్‌ప్లేతో చాలా శక్తివంతమైనది, ఇది 4,500 నిట్స్ పీక్ బ్రైట్నెస్, 120 Hz వరకు రిఫ్రెష్ రేట్‌ను అందిస్తుంది. ఫోన్ క్వాల్‌కమ్ స్నాప్‌డ్రాగన్ 7 జెన్ 3 SoCని కలిగి ఉంది, ఇది Adreno 720 GPU, 8GB LPDDR4x RAM , 256GB UFS 2.2 స్టోరేజ్ సపోర్ట్‌తో వస్తుంది.
ఫోటోగ్రఫీ కోసం వెనుకవైపు డ్యూయల్-కెమెరా సెటప్‌ను కలిగి ఉంది, ఇందులో OISతో 50MP సోనీ IMX882 ప్రైమరీ సెన్సార్, EISతో 8MP అల్ట్రా-వైడ్ యాంగిల్ లెన్స్ ఉన్నాయి. సెల్ఫీలు, వీడియో కాల్స్ కోసం 16MP ఫ్రంట్ కెమెరా అందుబాటులో ఉంది. ప్రస్తుతం ఈ ఫోన్ ఫ్లిప్‌కార్ట్‌లో రూ. 22,999 మాత్రమే.