Google Pixel 9a Price Leaks: గూగుల్ భారత్‌లో గత సంవత్సరం పిక్సెల్ 9 సిరీస్‌ను విడుదల చేసింది. ఇప్పుడు కంపెనీ ఈ సిరీస్‌లో Google Pixel 9aని పరిచయం చేయడానికి సిద్ధమవుతోంది. దీని గురించి అధికారిక సమాచారం రాలేదు. కానీ పిక్సెల్ 9a మార్చి 2025లో మార్కెట్లోకి రావచ్చని టాక్ వినిపిస్తుంది. లాంచ్‌కు ముందు ఈ స్మార్ట్ఫోన్ కొన్ని వివరాలు లీక్ అయ్యాయి. లీక్స్ ప్రకారం పిక్సెల్ 9a బేస్ మోడల్ (128GB) వేరియంట్ ధర పిక్సెల్ 8a ధరతో సమానంగా ఉంటుంది. అయితే హై-ఎండ్ మోడల్ (256GB) ధర పిక్సెల్ 8a కంటే ఎక్కువగా ఉంటే అవకాశం ఉంది.
ఇంటర్నెట్‌లోని సమాచారం ప్రకారం.. యుఎస్‌లో గూగుల్ పిక్సెల్ 9a 128జీబీ ధర $499(రూ. 43,100). 256జీబీ వేరియంట్ ధర $599 అంటే రూ. 51,800గా ఉండచ్చు. ఈ స్మార్ట్ఫోన్ బేస్ వేరియంట్ ధర పిక్సెల్8aకి సమానంగా ఉంటుంది. అయితే 256GB మోడల్ ధర $40 అంటే దాదాపు రూ. 3,400.
గూగుల్ పిక్సెల్ 8a దేశంలో బేస్ వేరియంట్‌కు రూ. 52,999, 256GB కోసం రూ. 59,999 ప్రారంభ ధరతో విడుదలైంది. అంటే రాబోయే Pixel 9a ధర భారతదేశంలో రూ. 52,999 నుండి ప్రారంభమవుతుంది, అయితే 256GB వేరియంట్ ధర రూ. 64,000 వరకు పెరగవచ్చు. ఇది నిజమైతే రెండు వేరియంట్‌ల మధ్య వ్యత్యాసం రూ. 10,000 కంటే ఎక్కువ.
Google Pixel 9a Specifications
గూగుల్ పిక్సెల్ 9a డిజైన్ డిసెంబర్ 2024లో లీక్ అయింది. లీకైన ఫోటోలు గూగుల్ తన సాధారణ కెమెరా బంప్‌ను తొలగిస్తున్నట్లు తెలియజేస్తున్నాయి. ఇది దాని ఫ్లాగ్‌షిప్ సిరీస్, గూగుల్ పిక్సెల్ 9 సిరీస్‌లో కూడా కనిపించింది. సాధారణ కెమెరా బంప్‌కు బదులుగా, గూగుల్ కెమెరాను నేరుగా బ్యాక్ ప్యానెల్‌పై ఇస్తుంది. ఈ మార్పు మొబైల్‌కు మంచి లుక్‌ను అందిస్తుంది.
గూగుల్ పిక్సెల్ 9aలో 120Hz రిఫ్రెష్ రేట్‌తో 6.3-అంగుళాల Actua డిస్‌ప్లే ఉంటుందని అంచనా వేస్తున్నారు. పిక్సెల్ 9, పిక్సెల్ 9 ప్రో స్క్రీన్ సైజు ఒకేలా ఉంటాయి. ఈ స్మార్ట్ఫోన్ టెన్సర్ G4 చిప్‌సెట్‌ ప్రాసెసర్‌పై రన్ అవుతుంది. పవర్ కోసం 5,000mAh బ్యాటరీ ఉంటుందని భావిస్తున్నారు.