What is Digital Condom: డిజిటల్ కండోమ్‌ల గురించి ఎప్పుడైనా విన్నారా? ఇది వింతగా అనిపించవచ్చు కానీ ఇది నిజం. జర్మన్ కంపెనీ డిజిటల్ కండోమ్‌ను ప్రవేశపెట్టింది. జర్మన్ కండోమ్ బ్రాండ్ BILLY BOY ప్రకటన ఏజెన్సీ ఇన్నోసియన్ బెర్లిన్‌తో కలిసి డిజిటల్ కండోమ్‌ను రూపొందించింది. ఈ డిజిటల్ కండోమ్ కూడా చాలా ఉపయోగకరంగా ఉంటుంది. దీనికి CAMDOM అని పేరు పెట్టాడు.
CAMDOM అనేది ఒక యాప్. ఇది ప్రస్తుతం ఆండ్రాయిడ్ మొబైల్స్ కోసం లాంచ్ చేశారు. ఇది రాబోయే రోజుల్లో ఐఫోన్ డివైజస్‌కి కూడా అందుబాటులోకి వస్తుంది. CAMDOM యాప్‌ని ఉపయోగించడం వలన ప్రైవేట్ క్షణాలను రికార్డ్ చేయకుండా మీరు సేవ్ చేయవచ్చు. డిజిటల్ యుగంలో కొత్త భద్రతను అందిస్తామని హామీ ఇచ్చింది కంపెనీ.
CAMDOM ఎలా పని చేస్తుంది?
డిజిటల్ కండోమ్ అంటే CAMDOM ఉపయోగించడం చాలా సులభం. ప్రైవేట్ క్షణాల ముందు, భాగస్వాములిద్దరూ తమ ఫోన్‌లను ఒకరికొకరు దగ్గర ఉంచుకోవాలి. యాప్‌ని క్రిందికి స్వైప్ చేసిన వెంటనే, బ్లూటూత్ సహాయంతో కెమెరా, మైక్రోఫోన్‌ను లాక్ చేస్తుంది. ఇది సాధారణ స్వైప్‌తో మొబైల్‌లోని అన్ని రికార్డింగ్ ఫీచర్‌లను ఆఫ్ చేస్తుంది. విషయాలను ప్రైవేట్‌గా ఉంచుతుంది.
దీనికి మరో ప్రత్యేకత ఉంది. ఎవరైనా ఫోన్‌ని మధ్యలో అన్‌లాక్ చేయడానికి ప్రయత్నిస్తే, అలారం మోగడం ప్రారంభమవుతుంది. ఈ అలారం వల్ల భాగస్వామి అలర్ట్ అవుతాడు. దీంతో ఎలాంటి సీక్రెట్‌ రికార్డింగ్‌కు దూరంగా ఉండొచ్చు.
CAMDOM సృష్టించడం వెనుక కారణం కూడా వివరించారు. ప్రతిచోటా స్మార్ట్‌ఫోన్‌లతో ఎవరి అనుమతి లేకుండా ఫోటోలు లేదా వీడియోలను రికార్డ్ చేయడం సులభం అయింది. ముఖ్యంగా ఒకరి ప్రైవేట్ మూమెంట్ రికార్డ్ చేసి ఆన్‌లైన్‌లో లీక్ అయినప్పుడు చాలా మంది బాధితులు చాలా ఇబ్బందులు ఎదుర్కోవాల్సి వస్తుంది.
ఆన్‌లైన్‌లో వీడియో లేదా ఫోటో లీక్ అయిన తర్వాత, దాన్ని తిరిగి పొందడం దాదాపు అసాధ్యం. ఇది బాధితురాలిపై తీవ్రమైన మానసిక ప్రభావాన్ని చూపుతుంది. దీనిని దృష్టిలో ఉంచుకుని బిల్లీ బాయ్, ఇన్నోసియన్ బెర్లిన్ CAMDOMను అభివృద్ధి చేశారు.
CAMDOMని ప్రమోట్ చేయడానికి BILLY BOY, Innocean Berlin సోషల్ మీడియాలో ప్రచారాన్ని నిర్వహిస్తున్నారు. ఇందుకోసం ఇన్‌ఫ్లుయెన్సర్‌లు, పాడ్‌కాస్ట్‌లు, నైట్‌క్లబ్‌లు, యూనివర్శిటీల వంటి రద్దీ ప్రదేశాల్లో ప్రకటనలు ఇస్తున్నారు. పైన పేర్కొన్న విధంగా ఈ యాప్ ఆండ్రాయిడ్ కోసం గూగుల్ ప్లే స్టోర్‌లో అందుబాటులోకి వచ్చింది. ఇది iOS వెర్షన్ కోసం కూడా త్వరలో విడుదల కానుంది.