ChatGPT: నవంబర్ 2022లో విడుదలైన తర్వాత, OpenAI యొక్క చాట్‌జిపిటి చరిత్రలో అత్యంత వేగంగా అభివృద్ధి చెందుతున్న ప్లాట్‌ఫారమ్‌గా స్థిరపడింది. అయితే, అనలిటిక్స్ ఇండియా మ్యాగజైన్ ఇటీవలి వార్తా నివేదిక ప్రకారం, కంపెనీ ఆర్థిక పరిస్దితి ఆందోళనలను రేకెత్తించింది. 2024 చివరి నాటికి కంపెనీ దివాలా తీయవచ్చని పరిశోధనలు సూచిస్తున్నాయి.
రోజుకు రూ.5 కోట్లు ఖర్చు..(ChatGPT)
నివేదిక ప్రకారం, జూన్ మరియు జూలైలో మే నెలలో కంటే తక్కువ మంది వ్యక్తులు చాట్‌జిపిటిని ఉపయోగించారు. ఆగస్టు 3 నాటికి సారూప్య వెబ్ డేటా ప్రకారం, జూలైలో 9.6 శాతం మరియు జూన్‌లో 9.7 శాతం పడిపోయిన తర్వాత చాట్‌జిపిటి ట్రాఫిక్ వరుసగా రెండోసారి తగ్గింది. ముఖ్యంగా, జూలైలో వినియోగదారుల సంఖ్య 12 శాతం తగ్గి, జూన్‌లో 1.7 బిలియన్ల నుండి 1.5 బిలియన్లకు పడిపోయింది. మీడియా నివేదికల ప్రకారం చాట్‌జిపిటి ని అమలు చేయడానికి OpenAIకి రోజుకు సుమారుగా రూ.5 కోట్లు ఖర్చవుతుంది. రాబడి లేనప్పుడు అటువంటి ఖర్చులను కొనసాగించడం హానికరమని తెలిపింది. OpenAI ద్వారా “GPT-5” కోసం తాజా ట్రేడ్‌మార్క్ ఫైలింగ్ మరియు దాని కొనసాగుతున్న మోడల్ శిక్షణ కార్యక్రమాలుచేసినప్పటికీ, మరిన్ని నిధులను త్వరగా పొందకపోతే 2024 చివరి నాటికి OpenAI ఆర్థిక ఇబ్బందుల్లో పడవచ్చని నివేదిక హెచ్చరించింది.