Dehydration: సమ్మర్ లో పెరిగిన ఉష్ణోగ్రతల కారణంగా.. శరీరంలో నీరు లేకపోవడం వల్ల డీహైడ్రేషన్ సమస్య వస్తుంది. వేసవి రోజుల్లో ఎక్కువగా దాహం వేస్తుంది . పదే పదే నీరు తాగిన తర్వాత కూడా దాహం తీరదు. శరీరంలో నీరు లేనప్పుడు మాత్రమే ఇలా జరుగుతుంది. దీనిని డీహైడ్రేషన్ అని అంటారు .
వేసవిలో ఈ సమస్య ఎక్కువగా వస్తుంది ఎందుకంటే శరీరం నుండి నీరు చెమట ద్వారా విడుదలవుతుంది . మనం తక్కువ నీరు తాగితే మన శరీరంలోని సిరల్లో రక్త ప్రసరణ తగ్గుతుంది. అంతే కాకుండా ఆక్సిజన్ లోపం ఏర్పడుతుంది .
కొన్నిసార్లు, జీర్ణ సమస్యలు , విరేచనాల కారణంగా, మీరు డీహైడ్రేషన్‌తో కూడా బాధపడాల్సి వస్తుంది. మీరు డీహైడ్రేషన్ తో బాధపడుతుంటే.. ఆయుర్వేదం చిట్కాలు పాటించడం ద్వారా త్వరగా ఉపశమనం పొందవచ్చు. డీహైడ్రేషన్‌ను నివారించడానికి రకరకాల చిట్కాలు పాటించవచ్చు .
సోంపు గింజలు:
వేసవిలో.. శరీరం నుండి అధిక నీరు కోల్పోవడం , తక్కువ మొత్తంలో నీరు త్రాగడం వల్ల డీహైడ్రేషన్ సమస్యలు తలెత్తుతాయి. అటువంటి పరిస్థితిలో ఆయుర్వేదంలో సోంపు గింజలు చాలా ప్రయోజనకరంగా వర్ణించబడ్డాయి. సోంపు శీతలీకరణ ప్రభావాన్ని కలిగి ఉంటుంది. ఇది నిర్జలీకరణ సమస్యను తగ్గిస్తుంది. డీహైడ్రేషన్ రాకుండా .. ఒక లీటరు నీటిలో అర టీస్పూన్ సోంపును వేసి మరిగించాలి. చల్లారిన తర్వాత, ఈ నీటిని ఒక కప్పు.. రోజుకు మూడు నుండి నాలుగు సార్లు త్రాగాలి.
తులసి:
తులసి అనేక వ్యాధులకు ఔషధంగా పనిచేస్తుంది. అదేవిధంగా, తులసి డీహైడ్రేషన్ వల్ల కలిగే కడుపు నొప్పికి ఉపశమనం కలిగిస్తుంది. దీంతో పాటు.. ఇది శరీర ఉష్ణోగ్రతను చల్లబరుస్తుంది. మీరు మార్కెట్లో లభించే తులసి సారాన్ని కూడా ఇందుకు ఉపయోగించవచ్చు. ఇది తులసి ఆకుల నుండి తయారు చేయబడుతుంది. ఒక గ్లాసు నీటిలో 2, 3 చుక్కలు వేసి తాగడం వల్ల డీహైడ్రేషన్ నుండి ఉపశమనం లభిస్తుంది.
గిలోయ్ జ్యూస్:
చాలా సార్లు శరీరంలో జీర్ణ సంబంధిత సమస్యల కారణంగా మీరు డీహైడ్రేషన్ బారిన పడటం ప్రారంభిస్తారు. అటువంటి పరిస్థితిలో తిప్పతీగ రసం చాలా ప్రయోజనకరంగా ఉంటుంది. దీనిని తాగడం వల్ల రోగనిరోధక శక్తి కూడా బలపడుతుంది.
మందార పువ్వు:
ఆయుర్వేదం ప్రకారం.. మందార పువ్వు అనేక ఔషధ గుణాలకు కలిగి ఉంటుంది. దీని ఆకులతో తయారుచేసిన టీ తాగడం వల్ల అనేక వ్యాధులు రాకుండా ఉంటాయి. అయితే ఈ పువ్వులో విటమిన్ సి చాలా ఎక్కువగా ఉంటుంది. ఇది డీహైడ్రేషన్ ఉన్న సందర్భంలో తీసుకుంటే అనేక ప్రయోజనాలను అందిస్తుంది.
చెరకు రసం:
కాల్షియం, మెగ్నీషియం, ఇనుము, పొటాషియం వంటివి చెరకు రసంలో ఉంటాయి. మీరు డీహైడ్రేషన్‌తో బాధపడుతున్నప్పుడు.. మీ శరీరంలో ఈ ఖనిజాలు లోపిస్తాయి. ఇటువంటి పరిస్థితిలో.. మీరు చెరకు రసం తీసుకుంటే.. అది నిర్జలీకరణంతో పోరాడటానికి మీకు సహాయపడుతుంది.అంతే కాకుండా శరీరంలోని నీటి లోపాన్ని కూడా తీరుస్తుంది. డీహైడ్రేషన్ బారిన పడ్డవారు.. రోజుకు 2 నుండి 3 సార్లు ఒక గ్లాసు చెరకు రసం తీసుకోండి.