iQOO 13: ఐక్యూ న్యూ స్మార్ట్‌ఫోన్.. క్వాల్‌కామ్ లేటెస్ట్ ప్రాసెసర్‌తో వచ్చేసింది.. ధర ఎంతంటే?

iQOO 13: ఐక్యూ కంపెనీ కొత్త మొబైల్‌ను విడుదల చేసింది. ఇది iQOO 13 పేరుతో మార్కెట్లోకి వచ్చింది. iQOO 12 ఫోన్‌కు సక్సెసర్‌గా iQOO 13ని కంపెనీ పరిచయం చేసింది. 50 వేల బడ్జెట్‌తో దీన్ని విడుదల చేశారు. ఈ మొబైల్‌లో Qualcomm Snapdragon 8 Elite ప్రాసెసర్ ఉంది. ఇది త్వరలో భారత్ మార్కెట్‌లోకి రానుంది. ఈ ఫోన్ ధర, ఫీచర్లను తెలుసుకుందాం.

కంపెనీ చైనాలో ఐక్యూ13 ఫోన్‌ను విడుదల చేసింది. ఈ మొబైల్‌లో ట్రిపుల్ కెమెరా సెటప్ ఉంది. 50 మెగాపిక్సెల్స్ అందుబాటులో ఉన్నాయి. ఇందులో 6.82 అంగుళాల డిస్‌ప్లే ఉంది. ఇది 16GB RAM + 1TB స్టోరేజ్, పెద్ద 6150mAh బ్యాటరీ, 120W ఫాస్ట్ ఛార్జింగ్‌తో వస్తుంది.

ఈ ఫోన్ బ్లాక్, గ్రీన్, గ్రే, వైట్ కలర్ ఆప్షన్‌లలో లభిస్తుంది. కంపెనీ ఐక్యూ13 ఫోన్‌ను ఐదు స్టోరేజ్ ఆప్షన్‌లలో ప్రవేశపెట్టింది. 12GB + 256GB స్టోరేజ్ వేరియంట్ ధర రూ. 47,200 ఉంది. 16GB + 256GB స్టోరేజ్ వేరియంట్ ధర రూ. 50,800 కాగా, 12GB + 512GB స్టోరేజ్ వేరియంట్ ధర రూ. 53,100 ఉంది. 16GB + 512GB స్టోరేజ్ వేరియంట్ కోసం 55,500. 16GB + 1TB స్టోరేజ్ వేరియంట్ ధర 61,400 రూపాయలు.

ఐక్యూ 13 మొబైల్ 6.82 అంగుళాల ఫుల్ HD ప్లస్ డిస్‌ప్లేను కలిగి ఉంది. ఇది OLED డిస్‌ప్లే. ఇది గరిష్టంగా 1800 నిట్‌ల బ్రైట్నెస్, 1440 పిక్సెల్‌ల కట్‌హోల్ రిజల్యూషన్‌తో 3168 X 1440 పిక్సెల్‌ల రిజల్యూషన్, 144Hz రిఫ్రెష్ రేట్‌ను కలిగి ఉంది.  ఈ ఫోన్‌లో సరికొత్త Qualcomm Snapdragon 8 Elite ప్రాసెసర్ ఉంది. AnTuTu బెంచ్‌మార్క్‌లో 3 మిలియన్లకు పైగా స్కోర్ చేసింది. ఈ ఫోన్‌లో 16GB RAM+ 1TB స్టోరేజ్ ఉన్నాయి. ఇది Android 15 (OriginOS 5) OSతో పని చేస్తుంది.

మొబైల్‌లో ట్రిపుల్ కెమెరా సెటప్ ఉంది. ఇది OISతో కూడిన 50 మెగాపిక్సెల్ సోనీ కెమెరాను కలిగి ఉంది. 50 మెగాపిక్సెల్ అల్ట్రా వైడ్ యాంగిల్ లెన్స్, OISతో 50 మెగాపిక్సెల్ సోనీ టెలిఫోటో కెమెరా కూడా ఉంది. సెల్ఫీలు, వీడియో కాల్స్ కోసం 32-మెగాపిక్సెల్ కెమెరా ఉంది. ఫోన్‌లో భద్రత కోసం ఇన్-డిస్ప్లే అల్ట్రాసోనిక్ ఫింగర్ ప్రింట్ సెన్సార్ ఉంది. IP69+IP68 వాటర్, డస్ట్ నుంచి రక్షింస్తుంది. కనెక్టివిటీ ఎంపికలలో 5G, 4G LTE, Wi-Fi 7, బ్లూటూత్ 5.4, NFC, GPS, USB టైప్-C పోర్ట్ ఉన్నాయి.