pilot whales: స్కాట్లండ్‌లోని బీచ్‌లో 50కి పైగా పైలట్ తిమింగలాల మృతి

pilot whales: స్కాట్లాండ్ దీవిలోని సముద్రతీరంలో చిక్కుకున్న 50 పైలట్ తిమింగలాలు చనిపోయాయి. ఆదివారం ఉదయం 7 గంటలకు, సముద్ర రక్షకులు లూయిస్ ద్వీపంలోని నార్త్ టోల్స్టాలోని ట్రైగ్ మోర్ వద్దకు చేరుకున్నారు. వారు డజన్ల కొద్దీ పైలట్ తిమింగలాలు ప్రాణాపాయస్దితితో ఉన్నట్లు గుర్తించారు.

ఒక తిమింగలాన్ని అనుసరించి.. (pilot whales)

బ్రిటీష్ డైవర్స్ మెరైన్ లైఫ్ రెస్క్యూ ( బిడిఎంఎల్ఆర్ ) స్వచ్ఛంద సంస్థకు చెందిన అధికారులు బయటికి వెళ్లే నీటిలో రెండు చురుకైన తిమింగలాలను తిరిగి తేవడానికి ప్రయత్నించారు. ఒకటి తప్పించుకోగా, మరొకటి మళ్లీ చిక్కుకుపోయి, మరో మూడింటింతో కలిపి మరణించింది. బీచ్‌లో అలల పరిస్థితులు మరియు లోతు తక్కువగా ఉన్నందున మిగిలిన తిమింగలాలను మధ్యాహ్నం మార్చాలని నిర్ణయించారు. ఈ తిమింగలాలు ఒడ్డున ఎందుకు చిక్కుకున్నాయో తెలియలేదు. అయితే చనిపోయిన తిమింగలాలలో ఒకటి ఆడ బిడ్డకు జన్మనివ్వడం వల్ల మిగిలినవి అనుసరిస్తూ చిక్కుకుపోయాయని అనుమానిస్తున్నారు. పైలట్ తిమింగలాలు వారి బలమైన సామాజిక బంధాలకు ప్రసిద్ధి చెందాయి, కాబట్టి తరచుగా ఒక తిమింగలం కష్టం లో చిక్కుకున్నప్పుడు, మిగిలినవి అనుసరిస్తాయని బిడిఎంఎల్ఆర్ తెలిపింది. వీరితో పాటు కోస్ట్‌గార్డ్, స్కాటిష్ ఫైర్ అండ్ రెస్క్యూ సర్వీస్, పోలీసులు మరియు స్కాటిష్ మెరైన్ యానిమల్ స్ట్రాండింగ్ స్కీమ్ (SMASS) కూడా సంఘటన స్థలంలో ఉన్నారు. వాతావరణ పరిస్దితులు బట్టి వీటిని తిరిగి నీటిలో వదలడం సురక్షితం కాదని పశువైద్యుడు తెలిపారు.

తిమింగలాలు బీచ్‌లో ఎందుకు చిక్కుకుపోయాయో తెలుసుకోవడానికి వాటికి పోస్ట్‌మార్టం నిర్వహించనున్నారు.పైలట్ తిమింగలాలు సెటాసియన్ జాతికి చెందినవి, డాల్ఫిన్ కుటుంబానికి చెందిన ఈ జీవులు సామూహికంగా సంచరిస్తాయని చెబుతున్నారు.