Mark Carney as elected new prime minister of canada: కెనడా లిబరల్ పార్టీ అధినేతగా మార్క్ కార్నీ నియామకమయ్యారు. ట్రూడో రాజీనామాతో ఎన్నికలు అనివార్యమైన నేపథ్యంలో మార్క్ కార్నీ.. ఫ్రీలాండ్‌ను ఓడించారు. దీంతో లిబరల్ పార్టీ నేతగా మార్క్ ఎన్నికయ్యారు. అనంతరం పీఎంగా ఆయన బాధ్యతలు చేపట్టనున్నారు. కాగా, తన పదవి నుంచి వైదొలుగుతున్నట్లు ట్రూడో జనవరిలోనే ప్రకటించారు. దీంతో తొమ్మిదేళ్ల ట్రూడో పాలనకు తెరపడింది.
కెనడాలో ప్రధాని అభ్యర్థిత్వంపై జరిగిన నిర్వహించిన ఎన్నికల్లో 85.9 శాతం ఓటింగ్‌తో మార్క్ తొలి స్థానంలో నిలిచారు. ఈ పోటీలోనలుగురు కీలక నేతలు పాల్గొన్నారు. మొత్తం లక్షా50వేల మంది ఓటర్లు పాల్గొన్నారు. ఇందులో మార్క్ కార్నీకి మద్దతుగా లక్షా 31వేల మంది నిలవగా.. ఫ్రీలాండ్‌కు 11వేల ఓట్లు, కరినా గౌల్డ్‌కు 4,700 ఓట్లు, ఫ్రాంక్ బేలిస్‌కు 4 వేల ఓట్లు పోలయ్యాయి.
ఇక, కార్నీకి ఎన్నికల్లో పోటీ చేసిన, క్యాబినెట్‌లో పనిచేసిన అనుభవం లేకపోవడం గమనార్హం. ఇదిలా ఉండగా, బ్యాంక్ ఆఫ్ ఇంగ్లండ్, సెంట్రల్ బ్యాంక్ ఆప్ కెనడా గవర్నర్‌గా చేశారు.