King Charles III : బ్రిటన్ రాజు చార్లెస్ III మరియు అతని భార్య కెమిల్లా యొక్క మహా పట్టాభిషేకం ఈ ఏడాది మేలో జరగనుంది.
ఈ వేడుకలో సంప్రదాయాలను పక్కన పెట్టాలని కింగ్ చార్లెస్ నిర్ణయించుకున్నారు.
సాంప్రదాయ రాజ దుస్తులను ధరించ కూడదని చార్లెస్ భావిస్తున్నట్లు ది ఇండిపెండెంట్ నివేదించింది.
మునుపటి పట్టాభిషేకాలలో చక్రవర్తి సాంప్రదాయకంగా రాజదుస్తులు,పట్టు మేజోళ్ళు ధరించేవారు.
అయితే, కింగ్ చార్లెస్ సైనిక యూనిఫారం ధరించవచ్చుని తెలుస్తోంది.
తన సీనియర్ సహాయకులతో సంప్రదించిన తర్వాత కింగ్ చార్లెస్ ఈ నిర్ణయానికి వచ్చారు.
మే 6న కింగ్ ఛార్లెస్‌ III పట్టాభిషేకం..
కింగ్ చార్లెస్ మరియు అతని భార్య కెమిల్లా యొక్క గ్రాండ్ పట్టాభిషేక వేడుక మే 6న జరుగుతుంది.
ఇది వెస్ట్ మినిస్టర్ అబ్బేలో జరుగుతుంది. మరుసటి రోజు విండ్సర్ కాజిల్ పట్టాభిషేక కచేరీని కూడా నిర్వహిస్తారు.దీనిలో ప్రపంచంలోని అతిపెద్ద గాయక బృందం, ఆర్కెస్ట్రా పాల్గొంటారు.
ఈ పట్టాభిషేకానికి వేల మంది ప్రజానీకం హాజరయ్యే అవకాశముంది.
రాజు పట్టాభిషేకానికి ఏ రాజ కుటుంబ సభ్యులు హాజరవుతారో ప్యాలెస్ ఇంకా వెల్లడించలేదు.
ప్రిన్స్ హ్యారీని ఆహ్వానించే అవకాశం లేదు ..
ప్రిన్స్ హ్యారీ మరియు మిగిలిన రాజకుటుంబం మధ్య దూరం బాగా పెరిగిపోయింది.
హ్యారీ అమెరికాలో పదేపదే ఇంటర్వ్యూలు ఇవ్వడం కూడా దీనికి కారణంగా భావిస్తున్నారు.
మేలో పట్టాభిషేకానికి అతడిని ఆహ్వానించే అవకాశం లేదని తెలుస్తోంది.
అయితే తుది నిర్ణయం చార్లెస్‌కే వస్తుంది.
సెయింట్ ఎడ్వర్డ్స్ కిరీటాన్ని ధరించనున్న కింగ్ చార్లెస్ III
అతను 1661లో కింగ్ చార్లెస్ పట్టాభిషేకం కోసం తయారు చేసిన సెయింట్ ఎడ్వర్డ్స్ కిరీటాన్ని కూడా ధరిస్తారు.
ఇది బంగారంతో తయారు చేయబడింది . ఆరు నీలమణిలు మరియు 12 కెంపులతో సహా 400 కంటే ఎక్కువ రత్నాలను కలిగి ఉంది.
ఇది దాదాపు 5lbs (2.23kg) బరువు ఉంటుంది.
సెయింట్ ఎడ్వర్డ్స్ క్రౌన్ అనేది 1649లో రాచరికం రద్దు చేయబడినప్పుడు కరిగించి విక్రయించబడిన క్రౌన్ జ్యువెల్స్‌లో ఉన్న దానికి ప్రత్యామ్నాయం.
ఈ వేడుక వెయ్యి సంవత్సరాలకు పైగా ఇదే విధమైన ఆచారాలతో జరుగుతోంది.
ఈ సంవత్సరం పట్టాభిషేకం గత కాలపు స్ఫూర్తిని గుర్తిస్తూ అదే విధంగా ఉంటుందని భావిస్తున్నారు.
వెస్ట్‌మిన్‌స్టర్ అబ్బేలో కింగ్ ఛార్లెస్‌ III పట్టాభిషేకం..
గత 900 ఏళ్లుగా ఈ వేడుక లండన్‌లోని వెస్ట్‌మిన్‌స్టర్ అబ్బేలో జరుగుతోంది.
1066 నుండి, ఈ కార్యక్రమందాదాపు ఎల్లప్పుడూ కాంటర్బరీ ఆర్చ్ బిషప్ ద్వారా నిర్వహించబడుతోంది.
క్వీన్స్ పట్టాభిషేకానికి భిన్నంగా కింగ్ చార్లెస్ పట్టాభిషేకం ఒక గంట పాటు మాత్రమే ఉంటుంది సమాచారం
అతిథి జాబితా కూడా 8,000 నుండి 2,000కి తగ్గవచ్చని సమాచారం.
అభిషేకం సమయంలో చార్లెస్ తలపై బంగారు వస్త్రం పందిరి ఉంచబడుతుంది.
చార్లెస్ ‘విశ్వాసం యొక్క రక్షకుడిగా’ ప్రమాణం చేస్తాడు,
రాజు పట్టాభిషేక కుర్చీలో కూర్చుంటాడు, ఇది 14వ శతాబ్దం ప్రారంభం నాటిది.
ప్రిన్స్ విలియం పట్టాభిషేకంలో కొత్త బిరుదులను కూడా తీసుకుంటారు.
అధికారికంగా ప్రిన్స్ ఆఫ్ వేల్స్ అని పేరు పెట్టారు.
డచెస్ ఆఫ్ కార్న్‌వాల్ వెస్ట్‌మినిస్టర్ అబ్బేలో రాజుతో పాటు రాణిగా పట్టాభిషేకం చేయబడుతుంది.
ఆమె అధికారికంగా క్వీన్ కన్సార్ట్ బిరుదును తీసుకుంటుంది.
క్వీన్ ఎలిజబెత్ ది క్వీన్ మదర్ కిరీటం ఆమె తలపై ఉంచబడుతుంది.
వెస్ట్‌మిన్‌స్టర్ అబ్బే సేవ తర్వాత, రాజు తన కుటుంబంలోని సీనియర్ సభ్యులతో కలిసి బాల్కనీలో నిలబడేందుకు బకింగ్‌హామ్ ప్యాలెస్‌కు వెడతారు.
క్వీన్ ఎలిజబెత్ 96వ ఏట సెప్టెంబర్ 8, 2022న మరణించారు.
ఆమె మరణం తర్వాత వెంటనే చార్లెస్ సింహాసనాన్ని అధిరోహించారు.
ప్రైమ్9న్యూస్‌ని సబ్‌స్క్రైబ్ చేసుకోండి:
https://www.youtube.com/Prime9News
https://www.youtube.com/@Prime9Digital
ప్రైమ్9న్యూస్‌ని ఫాలో అవ్వండి:
Facebook: https://www.facebook.com/prime9news
Twitter: https://twitter.com/prime9news
Instagram: https://www.instagram.com/prime9news/