AP Police arrest Posani Krishna Murali: నటుడు, మాజీ వైసీపీ నేత పోసాని కృష్ణమురళిని బుధవారం పోలీసులు అరెస్ట్ చేశారు. హైదరాబాద్‌లోని నివాసంలో ఏపీ పోలీసులు ఆయనను అరెస్ట్ చేసి, అనంతపురం తరలించారు. అన్నమయ్య జిల్లా ఓబులవారిపల్లిలో పోసానిపై సెక్షన్ 196, 353(2), 111 రెడ్ విత్ 3(5) కింద కేసు నమోదైంది. కులాల పేరుతో దూషించడం, ప్రజల్లో వర్గ విభేదాలు సృష్టించారని ఆయనపై అభియోగాలు నమోదు అయ్యాయి. వైద్య పరీక్షల అనంతరం రాజంపేట మెజిస్ట్రేట్ ఎదుట హాజరుపర్చనున్నట్లు పోలీసులు తెలిపారు. గతంలో పోసాని వైసీపీలో పనిచేసిన కాలంలో జనసేన చీఫ్ పవన్ కల్యాణ్‌, కూటమి నేతలపై తీవ్ర వ్యాఖ్యలు చేసిన సంగతి తెలిసిందే.
Posani Krishna Murali: సినీ నటుడు పోసాని కృష్ణమురళి అరెస్ట్
